நோய்களை நீக்க வாழை பழத்தை எப்படிப் பயன்படுத்தலாம்?
நெஞ்சுக்கரிக்கும் போது ஒரு பழம் சாப்பிட்டால் எரிச்சல் நீங்கி விடும். இதன் காரத்தன்மை நெஞ்செரிச்சலை உருவாக்கும் அமிலத்தைச் சமன் செய்து நிவாரணம் அளிக்கிறது. கர்ப்பிணிகள் வாழைப்பழம் சாப்பிட்டால் வயிற்றுப் புரட்டலை தடுக்கும். இதிலுள்ள சர்க்கரை ரத்தத்தில் கலந்து வாந்தியைத் தடுக்கிறது.
நார்ச்சத்து அதிகம் என்பதால் மலச்சிக்கலைத் தடுக்கும். இரும்புச்சத்து அதிகம் இருப்பதால் சிவப்பணுக்கள் குறைபடும் இரத்த சோகைக்கும் அருமருந்தாய் அமைகிறது வாழைப்பழம்.
குடிபோதையை நீக்க சிறந்தது. இதனை மில்க்ஷேக் செய்து தேன் கலந்து பருகினால் வயிற்றைச் சுத்தம் செய்து உடலுக்கு சக்தியைக் கொடுக்கும். உடலில் நீர்ச்சத்தையும் அதிகரிக்கச் செய்யும். மிக ஆரோக்கியமான, ஒரு கெடுதலும் தராத பழவகை இது. இதில் அதிகமான பொட்டாசியம் இருப்பதால் ஆரோக்கியமான வளர்ச்சிக்கு சாப்பிடச் சொல்வார்கள்.
இதில் சோடியம் உப்பு குறைவாக இருப்பதால் ரத்த அழுத்தக்காரர்கள் சாப்பிடலாம். குழந்தைகளின் ஊட்டத்துக்குச் சிறந்தது. கால்களில் ஆடுசதையில் சட்டென்று பிடித்திழுக்கும். இது பொட்டாசியம் குறைவால் வருகிறது. தினம் ஒரு வாழைப்பழம் சாப்பிட்டால் இதைத் தடுக்கலாம்.
பூவன் : இந்த பழத்தை கதலி என்றும் அழைப்பார்கள். மலச்சிக்கல், மூலநோயால் அவதிப்படுவோருக்கு இந்த பழம் மிகவும் நல்லது.
பேயன் பழம் : குடற்புண் தீர்க்கும். வயிற்றுப் புண்ணால் அவதிப்படுபவர்கள் தினம் ஒரு பேயன் வாழைப்பழம் சாப்பிட்டு வந்தாலே போதும்.
மலைவாழை : சோகையை நீக்கும். எளிதில் ஜீரணத்தை உண்டாக்கி மலச்சிக்கலைப் போக்குகிறது இந்த மலைவாழை.
ரஸ்தாலி : இதில் மருத்துவ குணங்கள் குறைவு. ஆனால் சுவை அதிகம். செவ்வாழை பலமளிக்கும். மொந்தன் காமாலைக்கு நல்லது.
பச்சைவாழை: வெப்பத்தைக் குறைக்கும். நவரை வாழை கரப்பான் நோயை அதிகப்படுத்தும்.
வாழைப்பழத்தில் எந்த வகையானாலும், அஜீரணத்தைப் போக்குவதுடன், உடலில் தங்கும் தேவையற்ற பொருட்களை வெளிக்கொண்டு வரப் பயன்படுகிறது
தொடர்ந்து இருமல் இருந்து வந்தால் கருமிளகு கால் தேக்கரண்டி எடுத்து பொடி செய்து கொள்ளுங்கள். அதில் பழுத்த நேரந்திரம் பழத்தை கலந்து இரண்டு மூன்று வேளை சாப்பிட்டு வர இருமல் சரியாகும்.
காசநோய் உள்ளவர்கள் அரை கப் தயிரில் வாழைப்பழத்தை பிழிந்து, ஒரு தேக்கரண்டி தேன், ஒரு டம்ளர் இளநீர் ஆகியவை சேர்த்து தினமும் இரண்டு வேளை வீதம் சாப்பிட்டு வர அந்த பாதிப்பில் இருந்து படிப்படியாக விடுபடலாம். சின்னம்மை, டைபாய்டு, மஞ்சள் காமாலை ஆகியவற்றுக்கு தேனில் வாழைப்பழத்தைப் பிசைந்து தினமும் இரு வேளை வீதம் சாப்பிட வேண்டும்.
பசும்பாலுடன் ஒரு வாழைப்பழம் சாப்பிட்டுவர அஜீரணம் சரியாகும். தொடர்ந்து தினமும் 2-3 வேளை இவ்வாறு சாப்பிட்டு வந்தால் மூலநோய் தீரும்.
காய்ச்சல் வருவதுபோல் உணர்ந்தால் ஒரு வாழைப்பழத்தை உடனே சாப்பிடுங்கள்.
பொதுவாக வாழைப்பழம் எல்லாரும் விரும்பிச் சாப்பிடும் ஒன்று. இந்த வாழைப்பழத்திலே வித, விதமாக சாப்பிடலாம்,வெள்ளை ரவையை
ReplyDelete(பாம்பே ரவை) கரியாமல் பொன்னிறமாக வறுத்து, இட்லி கொப்புரையில் துணிபோட்டு அள்ளி வைத்து, கையில் ஒட்டாதவாறு வேக வைத்து இறக்கி வைத்துக்கொண்டு, கொஞ்சம் பாசிப்பயிறு நீரை வடிக்காமல், சரியான பதத்திற்கு வேகவைத்து எடுத்துக்கொண்டு, அப்பளம் பொரித்து எடுத்துக் கொண்டு, தேங்காய் பூ துருவி எடுத்துக்கொண்டு, வாழைப்பழம் எடுத்து வைத்துக் கொண்டு, சீனி எடுத்துக்கொண்டு தட்டில் அனைவருக்கும், ரவையை பரிமாறி, மற்றவைகளை, தட்டின் ஓரங்களில் வைத்து, சாப்பிட கொடுக்கலாம். இது காலை உணவாக எடுத்துக் கொள்ளலாம். இதுபோல், மைதா மாவை சீனிபோட்டு கரைத்து எடுத்துக்கொண்டு, சிறிதளவு, சோடாஉப்பு, ஏலக்காய், சுக்கு(மணத்திற்காக) தட்டிப்போட்டு, பழத்தை உறித்துப்போட்டு நன்கு பிசைந்து,இட்லிமாவு பதத்தில் வைத்துக்கொண்டு மிகச்சிறிய அளவு உப்பு சேர்த்துக் கொள்ளலாம், எண்ணையை காயவைத்து, அதில் ஊற்றி, பொன்னிறம் வரும்போது, எடுத்து, வரும் விருந்தினருக்கு, பரிமாறலாம். தேவைப்பட்டால் ஒரு முட்டை உடைத்து ஊற்றி கலக்கி கொள்ளலாம். மிகவும் ருசியாக இருக்கும். உடம்புக்கும் நல்லது.