உங்கள் வீட்டில் பீரோ எந்த இடத்தில், எந்த திசை நோக்கி வைத்தால் செல்வம் பெருகும்?

உலகில் உள்ள ஒவ்வொருவரும் கஷ்டப்பட்டு உழைத்து முன்னேறுகின்றனர். சிலர் மட்டுமே அவர்களின் பரம்பரை சொத்துக்கள் கிடைப்பது, அதன் மூலம் அவர்கள் சுக வாழ்வு வாழ்வது வழக்கமாக உள்ளது. ஒருவருக்கு பரம்பரையாக என்ன தான் அதிக சொத்துக்கள் கிடைத்தாலும், அதை முதலீடாக வைத்து உழைப்பவர்களே அந்த உச்ச இடத்தில், சுக போகங்களுடன், பணக்காரராக தொடர்ந்து இருக்க முடியும்.

இப்படி ஒருவரின் வீட்டில் செல்வங்களை சேமித்து அல்லது பாதுகாப்பாக வைக்கக் கூடிய இடம் தான் வீட்டில் இருக்கும் பீரோ.

சிலர் என்ன முயற்சி செய்தாலும், வியாபாரம் செய்தாலும் அதில் லாபம் இல்லை. வீட்டில் இருக்கும் செல்வம் தங்காமல் போகுதல் போன்ற பிரச்னைகள் இருக்கக் கூடும்.

வீடு கட்டும் போது இந்த பத்து வாஸ்து குறிப்புகளைப் பின்பற்றுவது அவசியம்

இதற்கு வாஸ்து சாஸ்திர நிபுணர்கள், ஒரு வீட்டில் எந்த இடத்தில் பீரோ மற்றும் லாக்கர் வைக்க வேண்டும். அப்படி வைத்தால் எப்படி நற்பலன் ஏற்படும் என்பதை தெரிந்து கொள்வோம்.

வீட்டில் செல்வங்கள் தங்காமல் இருக்க காரணம், அவர்கள் வீட்டில் இருக்கும் நமக்கே தெரியாத சில வாஸ்து பிரச்னை காரணமாக இருக்கும் என வாஸ்து நிபுணர்கள் தெரிவிக்கின்றனர்.

நாம் வசிக்கக் கூடிய வீடு சொந்த வீடாகவோ அல்லது வாடகை வீடாக இருக்கக் கூடும். சொந்த வீடாக இருப்பவர்கள் நாம் வாஸ்து முறைப்படி வீட்டை மாற்ற முயற்சிக்கலாம். ஆனால் வாடகை வீட்டில் இருப்பவர்கள் மாற்ற முடியாதல்லவா?

ஒருவரின் வீட்டில் செல்வ நிலை அதிகரிக்கவும், எதிர்மறை ஆற்றல் நீங்கி, நேர்மறை ஆற்றல் அதிகரிக்க என்ன செய்வது என பலர் கேட்கக் கூடும்.

பணம் பெருக, வாஸ்து பிரச்னை நீங்க மஞ்சள் எப்படி பயன்படுத்த வேண்டும் தெரியுமா?

வீட்டின் செல்வ நிலை அதிகரிக்க, வீட்டில் பணம், நகை வைக்கக்கூடிய இடமான பீரோ எந்த திசையை நோக்கி வைக்க வேண்டும். வீட்டின் எந்த இடத்தில் வைக்க வேண்டும் என்பது முக்கிய விஷயம்.

ஒருவரின் வீட்டில் வாஸ்து முறைப்படி பீரோ தென் மேற்கு பகுதியில் அதாவது நிருதி மூலையில் வைப்பதால் வீட்டின் நேர்மறை ஆற்றல் அதிகரிக்கும். பீரோ எந்த திசையைப் பார்த்தவாறு வைக்க வேண்டும் என கேள்வி எழும். தெற்கு பகுதியை ஒட்டியவாறு, வடக்கு நோக்கி, கிழக்கு பக்கம் பீரோ கதவு திறக்கும் வகையில் வைக்க வேண்டும்.

தங்க நகை இந்த நாட்களில் வாங்கினால் யோகம் பெருகும் - ஜோதிட பார்வை

பீரோ வைக்க இந்த அமைப்பு வீட்டில் இல்லாவிட்டால் என்ன செய்ய வேண்டும்.?

தெற்கு மூலையில் வைக்க அமைப்பு இல்லாதவர்கள் வடமேற்கு மூலையில் பீரோ வைத்து மேற்கு பக்கமாக உள்ள சுவர் அருகே, கிழக்கு நோக்கி பீரோவை வைக்கலாம். இதனால் வீட்டில் நேர்மறை ஆற்றல் அதிகரிக்கும். வீண் செலவு குறைந்து, செலவம் அதிகரிக்கும்.

இப்படி வீட்டில் செல்வ நிலை அதிகரிக்க பீரோவை வைத்து உங்களில் நிதிப் பிரச்சினையைத் தீர்த்து செல்வ வளத்துடன் வாழலாம்