சக்கரவர்த்தி கீரையின் அறிய மருத்துவ நன்மைகள்

சக்கரவர்த்தி கீரையின் அறிய மருத்துவ நன்மைகள்

சக்கரவர்த்தி கீரைக்கு பருப்பு கீரை, கண்ணாடிக் கீரை, சக்கோலி, சில்லி என்ற பல பெயர்கள் உண்டு. இது வயல் வரப்புகளில் தானாக வளரக்கூடியது.

இந்த கீரையில் வைட்டமின் ஏ, சி , நார்சத்து ஆகிய சத்துக்கள் அதிகளவில் உள்ளன. கால்சியம் சத்து நிறைந்த இந்த கீரை எலும்புகளுக்கு பலத்தை கொடுக்க கூடியது.

 

#மருத்துவ_நன்மைகள் :

◆சக்கரவர்த்தி கீரை புற்றுநோயை உருவாக்கும் செல்களை அளிக்கிறது. மேலும் தளர்ந்த எலும்பை பலமடைய செய்யும் சக்தி வாய்ந்தது.

◆உடலில் ஏற்படும் தோல் சுருக்கங்களை போக்க சக்கரவர்த்தி கீரையின் இலையை நன்கு அரைத்து அதனை மேல்பூச்சாக பூசி வர, வெயிலால் ஏற்படும் தோல் சுருக்கங்கள் மறையும்.

 

◆சக்கரவர்த்தி கீரையை தொடர்ந்து உணவோடு எடுத்து கொண்டால் சிறுநீரக கற்களை கரைக்கும், நோய் தொற்றுக்களை போக்கும் மேலும் சிறுநீரை சரியாக வெளியேற்றும் தன்மை கொண்டது.

◆சிறிதளவு சக்கரவர்த்தி கீரை , அதனுடன் ஒரு ஸ்பூன் சுக்குப்பொடி, ஒரு டம்ளர் தண்ணீர் சேர்த்து நன்றாக கொதிக்க வைத்துவடிகட்டி குடிப்பதன் மூலம், ரத்தசோகை குணமாகும். மாதவிலக்கு கோளாறு விலகும்.

◆மூட்டுவலி பிரச்சனையை சரி செய்ய ஒரு ஸ்பூன் விளக்கெண்ணெய் உடன் சக்கரவர்த்தி கீரையை சேர்த்து வதக்கி எடுத்து அதனை இளஞ்சூட்டுடன் மூட்டுவலி உள்ள இடத்தில் கட்டி வைத்தால் வலி குறையும். அதுமட்டுமல்லாமல் வலி இருக்கும் இடங்களில் ஒத்தடம் கொடுத்தாலும் வலி மறையும்.

◆இந்த கீரையை சாப்பிடுவதால் ரத்த சோகை நோய் மற்றும் மலச்சிக்கல் பிரச்னைகள் ஏற்படுவதை தடுக்கலாம். மேலும் வயிற்றுப்புண் ஏற்படாமல் தடுக்கிறது.

◆சக்கரவர்த்தி கீரை விதையிலிருந்து எடுக்கப்படும் எண்ணெயானது, குடலில் தோன்றும் கொக்கிப் புழு, நாக்குப் பூச்சி போன்ற குடல் ஒட்டுண்ணிகளை அளித்து விடும்.

◆தாம்பத்தியத்தில் விருப்பம் இல்லாதவர்கள் சக்கரவர்த்திக் கீரையை வாரத்திற்கு நான்கு நாட்கள் உணவுடன் சேர்த்துச் சாப்பிட்டு வந்தால் விருப்பம் அதிகரித்து இல்லற வாழ்வு இன்பமயமாகும்.