தந்தேராஸ் தினம்...

தந்தேராஸ் அன்று மறந்தும் இந்த 7 பொருட்களை வாங்கிடாதீங்க

தந்தேராஸ் தினம் தீபாவளியின் துவக்க தினம் மட்டுமல்ல வாழ்க்கையில் நல்ல விஷயங்கள் துவங்குவதற்கான மங்கல நாளாகும். வாழ்க்கையில் பெருக்கம், வளர்ச்சி, ஏற்றம் இருக்க வேண்டும் என்பவர்கள் தந்தேராஸ் தினத்தை பயன்படுத்திக் கொள்வது சிறப்பு. தந்தேராஸ் தினத்தில் என்னென்ன செய்ய வேண்டும், எப்படி வழிபட வேண்டும் என விதிமுறைகள் இருப்பது போது சில பொருட்களை கண்டிப்பாக வாங்கக் கூடாது என்றும் விதிமுறைகள் உள்ளது.

தந்தேராஸ் தினத்தை சில குறிப்பிட்ட பொருட்களை வாங்குவதை கண்டிப்பாக தவிர்க்க வேண்டும். இந்த பொருட்களை தவறுதலாக வாங்கினால் கூட துரதிஷ்டம், பிரச்சனைகள், கஷ்டங்கள் தேடி வரும் என சொல்லப்படுகிறது. தந்தேராஸ் தினத்தில் வாங்கக் கூடாத பொருட்கள் எவை என்பதை இங்கு தெரிந்து கொள்ளலாம்.

தந்தேராஸ் அன்று மறந்தும் இந்த 7 பொருட்களை வாங்கிடாதீங்க

தந்தேராஸ் தினம் :

ஐப்பசி மாதம் தீபாவளிக்கு முன் கொண்டாடப்படும் திருநாள் தந்தேராஸ். இது லட்சுமியையும், குபேரரையும் வழிபட்டு, அவர்களின் ஆசியை பெறுவதற்கான நாளாக கருதப்படுகிறது. அதுமட்டுமல்ல மருத்துவம் மற்றும் ஆரோக்கியத்திற்கான கடவுளான தன்வந்திரி பகவானை வழிபடுவதற்குரிய நாளாகவும் இந்த நாள் கருதப்படுகிறது. ஐப்பசி மாத திரியோதசி திதியில் இது கொண்டாடப்படுவதால் இதை தந்திரயோதசி என்றும் சொல்லுவதுண்டு. அட்சய திரிதியைக்கு இணையான மிகவும் மங்களகரமான நாளாக இந்த நாள் கருதப்படுகிறது. புதிய பொருட்கள் வாங்குவதற்கும், புதிய முதலீடுகள் துவங்குவதற்கும், புதியவற்றை துவங்குவதற்கும் ஏற்ற நாளாக இந்த நாளை பலரும் கருதுகிறார்கள்.

தன்வந்திரி பகவான் தினம் :

புராணங்களின் படி, பாற்கடலை கடைந்த போது ஐப்பசி மாத திரியோதசி திதி அன்று தான் தன்வந்திரி பகவான், மரணம் இல்லாத வாழ்வை அருளும் அமிர்த கலசத்துடன், பாற்கடலில் இருந்து வெளிப்பட்டு வந்தார் என சொல்லப்படுகிறது. அதனால் தன்வந்திரி பகவானையும், மகாலட்சுமியையும் இந்த நாளில் வழிபட்டு, புதிய பொருட்களை வாங்கினால் அவர்களின் அருளால் ஆயுள், ஆரோக்கியம், மகிழ்ச்சி, செல்வ வளம் ஆகிய அனைத்தையும் பெற்று வாழ முடியும் என்பது நம்பிக்கை. இந்த ஆண்டு அக்டோபர் 29ம் தேதி தந்தேராஸ் தினம் வருகிறது. இந்த நாளில் என்னென்ன பொருட்களை வாங்கலாம் என்று இருக்கிறதோ, அதே போல் சில பொருட்களை கண்டிப்பாக வாங்கக் கூடாது என்றும் விதி உள்ளது. அவற்றில் முக்கியமான 7 பொருட்கள் துரதிர்ஷ்டத்தை தரக் கூடியவை ஆகும்.

தந்தேராஸில் வாங்க கூடாத 7 பொருட்கள் :

இரும்பு பொருட்கள் :

இரும்பு, கூர்மையாக இருக்கக் கூடிய கத்தி, கத்திரிக்கோல், கோடாரி போன்ற பொருட்களை தந்தேராஸ் தினத்தில் வாங்கக் கூடாது. இவைகள் துரதிர்ஷ்டத்தை தரக் கூடியவை ஆகும். இரும்பு, சனி பகவானுக்குரிய உலோகம் ஆகும். கடுமையான விஷயங்களின் அடையாளமாக கருதப்படுகிறது. அதனால் தந்தேராஸ் போன்ற மங்கலகரமான நாளில் இரும்பு பொருட்களை வாங்கினால் தேவையற்ற, கடுமையான சவால்களை வாழ்க்கையில் சந்திக்க வேண்டி இருக்கும். அதனால் அமைதி, செல்வ வளம், மகிழ்ச்சியை தரக் கூடிய பொருட்களை தேர்வு செய்து இந்த நாளில் வாங்குவது சிறப்பு.

கருப்பு நிற பொருட்கள் :

கருப்பு என்பது இருள், மரணம், துரதிஷ்டம், சோகத்தின் அடையாளமாகும். அதனால் கருப்பு நிறத்தில் இருக்கக் கூடிய பொருட்கள், ஆடைகள், பாத்திரங்கள், வீட்டு அலங்காரத்திற்கான பொருட்களை வாங்குவதை தவிர்க்கலாம். தந்தேராஸ், இருளை விலக்குவதற்கான நாளாகும் அதனால் மங்கலங்களை ஈர்க்கக் கூடிய தங்கம், வெள்ளி அல்லது சிவப்பு நிறங்களின் இருக்கும் பொருட்களை வாங்குவது சிறப்பு.

பயன்படுத்திய பொருட்கள் :

ஏற்கனவே ஒருவர் பயன்படுத்திய கார் போன்ற பொருட்களை தந்தேராஸ் அன்று வாங்குவதை தவிர்க்க வேண்டும். இது முந்தைய உரிமையாளரிடம் இருக்கும் துரதிஷ்டத்தை நீங்கள் வாங்கி வருவதற்கு சமம். இது புதிய மற்றும் மங்கலங்களின் துவங்கத்திற்கான, பெருக்கத்திற்கான நாளாகும். அதவால் புதிய பொருட்களை வாங்குவதால் செல்வ வளத்தை ஈர்க்கும்.

சனியுடன் தொடர்புடைய பொருட்கள் :

சனி பகவானுடன் தொடர்புடைய பொருட்களான நீல நிற கற்கள், இரும்பு பொருட்கள், கருப்பு நிற பொருட்கள் போன்றவற்றை வாங்குவதை தவிர்க்க வேண்டும். இவைகள் செயல்களில் தாமதம், தடைகள், கடினமான சூழ்நிலைகள் ஆகியவற்றை தரும். இவற்றிற்கு பதிலாக சுப கிரகங்களுடன் தொடர்புடைய மற்றும் நன்மைகளை வழங்கக் கூடிய கிரகங்களுடன் தொடர்புடைய பொருட்களை வாங்குவது சிறப்பு.

உடைந்த பொருட்கள் :

தந்தேராஸ் அன்று உடைந்த, சேதமடைந்த பொருட்கள் ஆகியவற்றை வாங்குவதை தவிர்க்க வேண்டும். இவைகள் எதிர்மறை ஆற்றல்களை ஈர்க்கும் தன்மை கொண்டவை. அதனால் வாங்கும் பொருட்களை மிகவும் கவனமுடன் வாங்க வேண்டும். புதியவை, நல்லவற்றிற்கான நாள் என்பதால் இந்த நாளில் வாங்கும் பொருட்கள் தரமானதாக இருக்கும் படி பார்த்துக் கொள்ள வேண்டும்.

போதை பொருட்கள் :

மது போன்ற போதை தரும் பொருட்களை தந்தேராஸ் அன்று வாங்கக் கூடாது. இவைகள் எதிர்மறை ஆற்றல்களை தருவதுடன், தெய்வங்களின் கோபத்திற்கும் ஆளாக வேண்டி இருக்கும். தந்தேராஸ் தன்வந்திரி பகவான் மற்றும் லட்சுமி தேவியின் ஆசியை பெறுவதற்கான நாள் என்பதால் இந்த நாளில் தூய்மை மற்றும் ஒழுக்கத்தை கடைபிடிக்க வேண்டியது அவசியம்.

தீங்கு விளைவிக்கும் பொருட்கள் :

ஆயுதங்கள், வேட்டைக்கான கருவிகள், ஆபத்தான விளையாட்டு பொருட்கள் போன்ற ஆபத்தை ஏற்படுத்தும் பொருட்களை வாங்குவதை தவிர்க்க வேண்டும். தந்தேராஸ் தினம் அமைதி, செல்வ வளம், ஒற்றுமை ஆகியவை வளர வேண்டும் என்பதற்காக வழிபடும் நாளாகும். அதனால் அன்பை, நேசத்தை வளர்க்கும் பொருட்களை தேர்வு செய்து வாங்குவது சிறந்தது.