மூக்குத்தி குத்துவது ஏன் தெரியுமா?

மூக்குத்தி குத்துவது ஏன் தெரியுமா? பெண்கள் இடது பக்கம், மூக்கு குத்த காரணமே இதுதானா? அடடே ஆச்சரியம்

நம்முடைய முன்னோர்கள் எல்லாம் மூடர்கள் அல்ல.. ஒவ்வொரு விஷயத்திலும், ஒவ்வொரு அறிவியல் காரணங்களை அறிந்து வைத்திருக்கிறார்கள்.. அப்படித்தான் பெண்களுக்கு மூக்கு குத்துவதும்.

காது குத்துவது போலவே, அறிவியல் காரணங்களையும், மருத்துவ காரணங்களையும் கொண்டிருக்கிறது மூக்குத்திகள்.. ஆண்களுக்கு மூக்கு குத்தாமல், பெண்களுக்கு ஏன் மூக்கு குத்துகிறார்கள் தெரியுமா? அதுவும் இடப்பக்கத்தில் பெண்களுக்கு மூக்கு குத்துவது ஏன் தெரியுமா?

Amazing Health Benefits to wearing Nose Pin and Do you know why women should wear nose rings on the left side

பழக்கம்: ராஜா காலத்திலிருந்தே மூக்குத்தி குத்தும் பழக்கம் இருந்து வந்துள்ளது.. அப்போதெல்லாம் தங்கத்தில், பெரிய பெரிய வளையமாக, மூக்குத்திகளை அதுவும் 2 பக்கத்திலும் அணிந்திருக்கிறார்கள்.. நாளடைவில்தான், மூக்குத்திகள், சிறிய கல் அளவுக்கு சுருங்கிவிட்டன.

America கப்பல் மீது தாக்குதல் நடத்திய ஹவுதி.. உச்சகட்ட பதட்டத்தில் செங்கடல்

தங்கத்துக்கு ஒருசில இயல்புகள் உள்ளன.. குறிப்பாக, நம்முடைய உடலிலுள்ள வெப்பத்தைக் கிரகித்துகொண்டு, நீண்ட நேரம் தன்னுள் வைத்திருக்கூடிய ஆற்றல் இருக்கிறது. அதனால்தான், மூக்கில் உள்ள துவாரத்தில், தங்கத்தில் மூக்குத்தி அணியும்போது, அந்த தங்கமானது, நம்முடைய உடலில் உள்ள வெப்பத்தை கிரகித்து ஈர்த்து கொள்ளும்..

நரம்புகள்: மூளைப் பக்கத்தில் ஹிப்போதெலமஸ் (Hippotelamas) என்ற பகுதி இருப்பதால், நரம்பு மண்டலங்களை கட்டுப்படுத்தக்கூடிய, மூளை செயல்பட துணையாக இருக்கக்கூடிய பகுதிகளை சிறப்பாக செயல்பட தூண்டவும், மூக்கு குத்தப்படுகிறது.

அதேபோல, ஆண்களின் மூச்சுக்காற்றை விட பெண்களின் மூச்சுக்காற்றுக்கு வலிமை அதிகம்.. அதிலும், பருவ வயதை எட்டிய பெண்களுக்கு தலைப்பகுதியில் குறிப்பாக, நரம்பு மண்டலத்தில் இதுபோன்ற சில கெட்ட வாயுக்கள் சேர்ந்துவிடும். இந்த வாயுக்களை வெளியேற்றுவதற்காகவே, பருவ வயது எட்டிய பெண்களுக்கு மூக்கு குத்தப்படுகிறது.

மூக்கு குத்துவதனால், பெண்களுக்கு சளி, ஒற்றைத்தலைவலி, போன்ற சுவாச கோளாறுகள் நீங்குகின்றன.. அத்துடன், பார்வை கோளாறுகள, நரம்பு சம்பந்தமான கோளாறுகளும் நீங்குகின்றன.. மனம் தடுமாறாமல், ஒரே நேர்க்கோட்டில் மனது குவியவும் உதவுகின்றன..

இடது பக்கம்: வலது பக்கமும் சிலர் மூக்கு குத்திக் கொள்கிறார்கள்.. எனினும், இடப்பக்கம் மூக்கு குத்துவதுதான் அதிக பலன்களை தருகிறதாம். குறிப்பாக, இடது பக்கத்தில் மூக்கு குத்திக் கொள்வதால், பெண்களின் வலது பக்க மூளை சிறப்பாக இயங்குகிறது..

இடப்பக்கத்தில் குத்தி கொள்வதால், பெண்ணின் இனப்பெருக்க உறுப்புகளும் சீராக செயல்படுகிறது.. மூக்கு குத்தியுள்ள பெண்களுக்கு, குறைவான பிரசவ வலியை அனுபவிக்கிறார்களாம்.. இதனால், குழந்தை சிரமமின்றி எளிதாக பிறக்கும் என்கிறார்கள்.. அதேபோல, மாதவிடாய் பிரச்சனைகளின் அவதியும் குறைகிறதாம்.

ஆன்மீக காரணம்: அறிவியல், மருத்துவ காரணங்கள் இவ்வாறு இருந்தாலும், ஆன்மீக காரணங்களும் சொல்லப்படுகின்றன. லட்சுமி தேவியின் அம்சமாகவே மூக்குத்தி கருதப்படுகிறது.. மூக்கு குத்தும் பெண்களுக்கு லட்சுமியின் ஆசி கிடைக்கும் என்பது நம்பிக்கையாக இருக்கிறது.

அதுமட்டுமல்ல, ஜாதகத்தில் சந்திரன் அல்லது புதன் ஆறாம் வீட்டில் இருந்தால், மூக்கு குத்தினால், ராசியில் உள்ள புதன் வலுப்பெறுமாம்.. அதனால்தான், மூக்கு பகுதி குருவின் அம்சமாகவும், மூக்கின் முனை புதனின் அம்சமாகவும் பார்க்கப்படுகிறது.. மூக்கு வழியாக பாயும் காற்று குரு ஆவார். அதனால் தான் மூக்கை சுத்தமாக வைத்திருப்பது அவசியம் என்று வலியுறுத்துகிறார்கள்

செவ்வாய் : தங்கத்தில் மூக்குத்தி அணிவதால், குரு மற்றும் செவ்வாயின் அருளாசி கிடைப்பதுடன், அந்த பெண்ணின் சந்திரன், புதன் கிரகங்கள் வலுப்படுவதாக கூறுகிறார்கள். இன்னொரு காரணமும் சொல்லப்படுகிறது.. மூக்கு குத்தும் பெண்களுக்கு, அன்பு நிறைந்த சகோதரன் அல்லது வாழ்க்கைத்துணை கிடைக்குமாம்..

பெண்களுக்கு மூக்கு குத்த வேண்டுமானால் அல்லது புதிதாக மூக்குத்தி அணிய வேண்டுமானால், புதன்கிழமை மாலை முகூர்த்தம் மற்றும் புதனின் நட்சத்திரம் உள்ள நாள் மிகவும் சிறந்தது.

வைரம்: தங்கத்தில் நகை அணிவது போலவே, வெள்ளி, வெண்கலத்திலும் மூக்குத்தி அணியலாம்.. இதனாலும், சில ஆரோக்கியமான நன்மைகள் கிடைக்கின்றன..

அதேபோல, வைரத்திலும் மூக்குத்தி அணிவார்கள்.. இது கூடுதல் பளபளப்பையும், ஜொலிஜொலிப்பையும் தரும்.. ஆனால், ஜாதகத்தில் சுக்கிரன் பலவீனமாக இருப்பவர்கள் வைரம் அணியக்கூடாது... அதிலும், ஜாதகத்தில் சனி பாதகமான நிலையில் இருப்பவர்கள் வைரம் அணிய வேண்டாம் என்று அறிவுறுத்தப்படுகிறார்கள்.