மகர லக்னத்திற்கு நன்மை மற்றும் தீமை செய்யும் கிரகங்கள்

மகர லக்னத்திற்கு நன்மை மற்றும் தீமை செய்யும் கிரகங்கள்:

* மகர லக்னத்திற்கு லக்னாதிபதியான சனி குடும்பஸ்தானமாகிய இரண்டாம் பாகத்திற்கும் அதிபதியாக வருவார். சனி ஒரு முழு பாவ கிரகம் என்பதால் லக்னாதிபதியாகவே இருந்தாலும் லக்னத்தில் அமர்வது நல்ல பலனை தராது. லக்னத்தை கெடுக்கவே செய்யும்

* அதேபோல் தனது அடுத்த ஆட்சி வீடான இரண்டில் ஆட்சி பெற்று அமரும் சனி குடும்ப ஸ்தானத்தை கெடுக்கவே செய்வார். ஆட்சி வீடுகளில் அமரும் சனி வலுவான சுபர்களின் தொடர்பினை பெற வேண்டும்.

பத்தாம் பாவத்தில் நட்பு வீட்டில் உச்சம் பெறும் சனி சுப தொடர்பினை பெற்றிருப்பது நன்மையை தரும். சனி ஆனவர் ஆட்சி மற்றும் உச்சம் எனும் நிலையை பெறுவதை விட மூன்று மற்றும் பன்னிரண்டாம் பாவகத்தில் சுபரான குருவின் வீட்டில் இருப்பதும், ஆறாம் பாவகத்தில் நட்பு வீட்டில் சுப தொடர்புடன் இருப்பதும் அல்லது உப ஜெய ஸ்தானமான பதினொன்றாம் பாவகத்தில் ஆம் பாவத்தில் சுப கிரக தொடர்பினை பெற்று இருப்பதும் நல்ல நிலையை தரும்.

* சுக்கிரன் ஆனவர் இந்த லக்னத்திற்கு ஐந்து மற்றும் பத்தாம் பாவத்திற்குரிய ராஜ யோகாதிபதி ஆவார். சுக்கிரன் இந்த லக்னத்திற்கு பாவ தொடர்பினை பெறாத வகையில் அனைத்து வகையான யோகங்களையும் நல்ல பலன்களையும் செய்வார். இவர் லக்னம் மற்றும் இரண்டாம் பாகத்தில் நட்பு நிலையில் இருப்பதும், ஐந்து அல்லது பத்தாம் பாவகத்தில் ஆட்சி எனும் நிலையை பெறுவதும் மிகச்சிறந்த நல்ல பலன்களை தரும். அதேபோல் ராஜ யோகாதிபதி உச்சம் எனும் நிலையை பெறுவதும் ஒரு நல்ல நிலையே.

* அடுத்ததாக புதன் இந்த லக்னத்திற்கு நன்மைகளை தரக்கூடிய லக்னாதிபதிக்கு நட்பு கிரகம் ஆகும். புதனானவர் இந்த லக்னத்திற்கு ஆறாம் பாவகத்திற்கும், பாக்கியங்களை கொடுக்கக்கூடிய ஒன்பதாம் பாவத்திற்கும் அதிபதியாக வருவார். இவர் லக்னாதிபதிக்கு நட்பு கிரகம் எனும் நிலையில் பாவத்தன்மை அடையாத வரை ஆறாம் பாவத்திற்கு உண்டான பலன்களை பெரிதாக செய்வதில்லை, மேலும் ஒன்பதாம் பாவமான கன்னியே புதனின் மூலத்திரிகோண வீடாகும். இவர் லக்னம் மற்றும் குடும்பஸ்தானமாகிய இரண்டாம் பாவத்தில் இருப்பதும் அல்லது ஐந்து மற்றும் பத்தாம் பாவகத்தில் நட்பு நிலையில் இருப்பதும் ஒன்பதில் ஆட்சி, உச்சம் எனும் நிலையை பெற்ற அமர்வதும் நல்ல பலனை தரும்.

# இந்த லக்னத்திற்கு இரு பெரும் நட்பு கிரகங்களும் 9 மற்றும் 10 ஆம் அதிபதியாகி தர்மகர்மாதிபதி யோகத்தினை பத்தாம் பாவகத்தில் அமர்ந்து செய்யுமானால் மிகச்சிறந்த யோக பலனானது சுக்கிரன் மற்றும் புதனின் தசா காலங்களில் ஏற்படும். ஒன்பதாம் பாவகத்தில் ஏற்படும் தர்மகர்மாதிபதி யோகம் சுக்கிரன் அங்கு நீச்சம் எனும் நிலையினை பெறுவதால் சிறிது பங்கப்படும்.

* குருவானவர் இந்த மகர லக்னத்திற்கு மூன்று மற்றும் 12-ஆம் பாவத்திற்கு அதிபதியாக வருவார்.

அதேபோல் செவ்வாய் ஆனவர் இந்த லக்னத்திற்கு நான்கு மற்றும் பதினோராம் பாகத்திற்கு அதிபதியாக வருவார். பதினோராம் பாகம் இந்த லக்னத்திற்கு பாதகஸ்தானம் எனும் நிலையில் பாதகஸ்தானத்தில் தனித்து அமர்ந்து சுப நிலையை அடையும் செவ்வாய் பாதகத்தையே செய்வார், எனவே இவர்கள் நட்பு வீடுகளில் அமர்ந்து பாவத்தன்மை அடையாமல் தசா நடத்தும் பொழுது தனது காரகத்துவம் மற்றும் ஆதிபத்தியங்களில் வாயிலாக நல்ல பலன்களை செய்வார்கள்.

* சந்திரன் ஆனவர் இந்த லக்னத்திற்கு திருமணம் மற்றும் களத்திர ஸ்தானமான ஏழாம் பாவத்திற்கு அதிபதியாக வருவார். லக்னாதிபதி சனி, சந்திரனை எதிரி எனும் நிலையை கொண்டு பார்ப்பார், இந்த லக்னத்திற்கு சந்திரனின் தசாவானது பெரும்பாலும் நன்மையை செய்யாது.

* அதேபோல் ஏழில் அமரும் சந்திரன் ஆனவர் தேய்பிறை அல்லது அம்மாவாசை அமைப்புகளில் அமரும் பொழுது திருமணம் சார்ந்த வகையில் நன்மையை செய்வதில்லை. எனவே ஏழில் சந்திரன் பாவத்தன்மை அடைந்து ஆட்சி பெற்று அமர்வது நல்ல நிலை அல்ல. சந்திரன் ஆனவர் வளர்பிறை அல்லது பௌர்ணமி அமைப்புகளில் 3, 6, 8,11,12 அமரும் பொழுது சுபத் தொடர்பினை பெற்று இருக்கும்பொழுது பெரிய அளவிலான கெடுதல்களை செய்வதில்லை.

* சனியின் லக்னத்திற்கு ஒளி கிரகங்களான சூரியன் மற்றும் சந்திரன்களின் தசாவானது பெரிய அளவில் நன்மைகளை செய்வதில்லை. இந்த லக்னத்திற்கு எட்டாம் அதிபதியாக வரும் சூரியன் ஆனவர் லக்னாதிபதி சனிக்கு முதல் நிலை எதிரி எனும் அமைப்பினை பெறுவார், பாவத்தன்மை அடைந்து எட்டாம் பாவகத்துடன் தொடர்பு கொண்டு சூரியன் தசா நடத்தும் பொழுது எட்டாம் பாவத்திற்கு உண்டான கெடுதல்கள் அனைத்தையும் வலுவாக செய்வார்.

* இவர் பாவத்தன்மை அடையாமல் சுப அமைப்பில் இருந்து தனது எட்டாம் பாவத்திற்கு எட்டில் மறைந்து இருப்பதும், அல்லது தனது நட்பு வீடுகளில் பாவ கிரகங்களின் தொடர்பினை பெறாமல் இருக்கும் நிலையில் எட்டாம் பாவத்திற்கு உண்டான கெடுதல்களை சூரியன் செய்வதில்லை.

* ராகுவானவர் சுக்கிரன் அணியை சார்ந்தவர் என்பதால் மகர லக்னத்திற்கு நட்பு வீடுகளில் அமர்ந்து தசா நடத்தும் பொழுது நல்ல பலன்களை செய்வார் அதுவும் தர்ம கர்மாதிபதிகளின் தொடர்பினை பெற்று ராகு தசா வருமாயின் சிறந்த யோகங்களை ஜாதகர் அடைவார்.

* கேது இந்த லக்னத்திற்கு எதிரணியை சார்ந்தவர் எனும் நிலையில் லக்னசுபரகளின் வீடுகளில் அமர்ந்து தசா நடத்தும் போது நல்ல பலன்களை எதிர்பார்க்கலாம்.