உங்கள் வீட்டுத்தோட்டத்தில் அவசியம் வளர்க்க வேண்டிய செடிகள்!

பத்தாண்டுகளுக்கு முன்பு வரைகூட நம் வீட்டில் தோட்டம் என்று பெரிய இடத்தில் விதவிதமான செடிகள் இல்லாவிட்டாலும் அவசியம் இருக்க வேண்டிய நாலைந்து செடிகள் வைத்திருப்போம். இன்றிருக்கும் ஓட்டமான வாழ்க்கை முறையில் அதற்கெல்லாம் நேரம் ஏது என்று எல்லாவற்றையும் மூட்டை கட்டி வைத்துவிட்டோம். வெறுமனே தோட்டம், செடிகள் என்று மட்டும் நின்று விடாது அதில் நம்முடைய பாரம்பாிய மருத்துவ குணங்கள் நிறைந்த கைமருத்துவத்துக்கு உதவும் மூலிகை செடிகளும் அடக்கம். இன்று நோய்களின் கூடாரமாகிவிட்ட பிறகு, மீண்டும் மூலிகைகள், இயற்கை மருத்துவம், நாமே நமக்குத் தேவையான உணவு பொருட்களை உற்பத்தி செய்துகொள்வது பற்றி சிந்தித்தும் சில பேர் செயல்பட்டும் வருகிறார்கள். இந்த செயல்பாடு பெருக வேண்டும். குறைந்தது 10 செடிகளாவது நம் வீடுகளில் வளர்க்க வேண்டும். அதற்கொரு முன்னோட்டமாக உங்கள் வீட்டுத்தோட்டத்தில் வளர்க்க வேண்டிய முக்கியமான சில செடிகள் பற்றி பார்ப்போம்…

வேம்பு
வேம்பு ஒரு கிருமி நாசினி என்பதை எல்லோரும் அறிவோம். வேம்பின் வேரிலிருந்து கொழுந்துவரை எல்லாமே மருத்துவ குணம் மிக்கவை. நிறைய இடம் பிடிக்காத மரம். அடுக்கு மாடி குடியிருப்புகளில்கூட பொ¢ய தொட்டிகளில் நட்டு வளர்க்கலாம்.

புதினா
புதினா ஜீரண சக்தியை அதிகா¢க்கக்கூடியது. சருமத்தில் பொலிவைத் தரக்கூடியது. உடலிலிருக்கும் நச்சுக்களை நீக்கும் தன்மை உடையது. சுவாச புத்துணர்ச்சி தரும் புதினாவை கட்டாயம் வைத்திருக்க வேண்டும்.

துளசி
இதோ மழை காலம் தொடங்கிவிட்டது. சளி, இருமல், காய்ச்சல் என பாடாய்படுத்தும் தொல்லைகளிலிருந்து விடுபட துளசி டீ அருந்துங்கள். குழந்தைகளுக்கு சளி பிடித்திருந்தால் மாத்திரைகளின் பின்னால் ஓடாமல் இருக்க நீரில் அலசிய இரண்டு துளசிச் செடிகளை திண்ணக்கொடுங்கள்.
கற்பூரவல்லி
முன்பெல்லாம் அஜீரணத்தால் வயிற்றுவலி வந்தால் புழக்கடையில் இருக்கும் கற்பூரவல்லி செடியிலிருந்து இரண்டு இலைகளைப் பறித்து மென்று விழுங்கச் சொல்வார்கள் வீட்டிலிருக்கும் பாட்டிகள். அதேபோல 6 மாதத்திற்கு மேற்பட்ட பச்சிளம் குழந்தைகளுக்கு வறட்டு இருமல் வந்தால் கற்பூரவல்லி இலையின் சாறெடுத்து 4 சொட்டு கொடுத்தால் சாியாகிவிடும் என்பார்கள். இப்போது இதன் மருத்துவ குணம் அறிந்து பஜ்ஜி போன்ற நொறுக்குத் தீனி வடிவிலும் கொடுக்க ஆரம்பித்துவிட்டார்கள். நீங்களும் முயற்சித்துப் பாருங்கள்.

கற்பூரவல்லி