Neerkondar Entammal Venkudusamy Naidu: 2024

Thursday, 19 December 2024

முள்ளங்கி...

இந்த ஒரு காய்கறி போதும்..நரம்புகளில் சிக்கியுள்ள கொலஸ்ட்ரால் துகள்களை அகற்றிவிடும்.!

கெட்ட கொலஸ்ட்ரால் அதிகரிப்பதால், இதய நோய் அபாயத்தையும் அதிகரிக்கிறது. அத்தகைய சூழ்நிலையில், அதைக் கட்டுப்படுத்த, நீங்கள் உங்கள் உணவு முறையை மேம்படுத்த வேண்டும்.

இன்றைய காலக்கட்டத்தில் மக்களின் உணவு முறைகள் மாறிவிட்டன, இதனால் மக்களின் ஆரோக்கியத்தில் பெரும் பாதிப்பை ஏற்படுத்துகிறது. சாப்பிடும் உணவில் அதிக எண்ணெய் மற்றும் வெளி உணவுகளை சாப்பிடுவதால், மக்களின் கெட்ட கொலஸ்ட்ரால் வேகமாக அதிகரிக்கிறது. கெட்ட கொலஸ்ட்ரால் அதிகரிப்பதால், இதய நோய் அபாயத்தையும் அதிகரிக்கிறது. அத்தகைய சூழ்நிலையில், அதைக் கட்டுப்படுத்த, நீங்கள் உங்கள் உணவு முறையை மேம்படுத்த வேண்டும். கெட்ட கொலஸ்ட்ராலைக் கட்டுப்படுத்த சில காய்கறிகளை உங்கள் உணவில் சேர்த்துக் கொள்ளுங்கள். அத்தகைய காய்கறிகளில் ஒன்று முள்ளங்கி ஆகும்.

மற்ற பருவங்களை விட குளிர்காலத்தில் பல உடல்நல பிரச்சனைகள் ஏற்படுகின்றன. அதனால்தான் இந்த சீசனில் அழகுடன் ஆரோக்கியத்திலும் கவனமாக இருக்க வேண்டும் என்று நிபுணர்கள் விரும்புகிறார்கள். எனவே குளிர்காலம் நெருங்க நெருங்க பச்சைக் காய்கறிகளின் முக்கியத்துவம் அதிகரிக்கிறது. பச்சை காய்கறிகளில் ஏராளமான ஊட்டச்சத்துக்கள் காணப்படுகின்றன. உடலை ஆரோக்கியமாக வைத்துக் கொள்ள பச்சைக் காய்கறிகளை சாப்பிட மருத்துவர்கள் பரிந்துரைக்கின்றனர். இந்த பச்சை காய்கறிகளில், முள்ளங்கி ஆரோக்கியத்திற்கு நன்மை அளிக்கும் காய்கறிகளில் ஒன்றாகும்.

முள்ளங்கியின் ஊட்டச்சத்தைப் பற்றி பேசுகையில், இதில் கலோரிகள் குறைவாகவும், நார்ச்சத்து அதிகமாகவும், பொட்டாசியம், வைட்டமின்கள் மற்றும் ஆன்டிஆக்ஸிடன்ட்கள் நிறைந்ததாகவும் உள்ளது. அவை அதிக கொழுப்பைக் குறைக்க உதவுகிறது. இது தவிர, உயர் இரத்த அழுத்தத்தைக் குறைக்கிறது, இதய நோய் அபாயத்தைக் குறைக்கிறது மற்றும் இரத்த ஓட்டத்தை மேம்படுத்துகிறது.

கெட்ட கொலஸ்ட்ராலைக் குறைக்கும் முள்ளங்கி: முள்ளங்கியில் பொட்டாசியம் மற்றும் அந்தோசயனின் உள்ளது, இது BP உடன் கெட்ட கொலஸ்ட்ராலைக் குறைக்க உதவுகிறது. இதில் உள்ள நார்ச்சத்து மற்றும் நீர்ச்சத்து ஆனது நரம்புகளில் சிக்கியுள்ள கொலஸ்ட்ரால் துகள்களை அகற்ற உதவுகிறது. இது தமனிகளை ஆரோக்கியமாக வைத்து அவற்றின் சுவர்களை ஆரோக்கியமாக்குகிறது. இது இதய நோய் வராமல் தடுக்கிறது மற்றும் பல பிரச்சனைகளில் இருந்து உடலை காக்கிறது.

இந்த பிரச்சனைகளுக்கு முள்ளங்கி நன்மை அளிக்கும்: நச்சுக்களை வெளியேற்ற உதவுகிறது: முள்ளங்கி ஆனது ஒரு இயற்கை நச்சு நீக்கியாக செயல்படுகிறது. இது உடலில் உள்ள நச்சு மற்றும் அழுக்குகளை வெளியேற்றி உடலை சுத்தப்படுத்துகிறது.

நீரிழிவு நோய்க்கு நன்மை அளிக்கிறது: முள்ளங்கியில் கிளைசெமிக் இன்டெக்ஸ் மிகவும் குறைவாக உள்ளது, இது இரத்த சர்க்கரை அளவைக் கட்டுப்படுத்த உதவுகிறது. இது நீரிழிவு நோயாளிகளுக்கு பயனுள்ளதாக கருதப்படுகிறது.

மலச்சிக்கலில் பயனுள்ளதாக இருக்கும்: மலச்சிக்கல் பிரச்சனைகளில் இருந்து விடுபட முள்ளங்கி மிகவும் நன்மை அளிக்கிறது. இது வயிற்றின் வளர்சிதை மாற்ற விகிதத்தை அதிகரிப்பதன் மூலம் செரிமானத்தை மேம்படுத்துகிறது. இது உடலில் உள்ள நச்சுகளை குடல் வழியாக வெளியேற்ற உதவுகிறது மற்றும் மலச்சிக்கலைத் தடுக்கவும் உதவுகிறது.

Tuesday, 17 December 2024

உடல்நலம் மாரடைப்பு வரப்போகிறது என்றால் 1 மாதத்திற்கு முன்பே கண்ணில் இந்த அறிகுறிகள் தெரியுமாம்

உடல்நலம் மாரடைப்பு வரப்போகிறது என்றால் 1 மாதத்திற்கு முன்பே கண்ணில் இந்த அறிகுறிகள் தெரியுமாம்.. உஷார்.. தற்போது ஒவ்வொரு நாளும் மாரடைப்பால் மில்லியன் கணக்கான மக்கள் பாதிக்கப்பட்டு வருவதோடு, சிலர் அந்த மாரடைப்பால் இறந்தும் வருகிறார்கள். எனவே இன்றைய காலகட்டத்தில் இதய ஆரோக்கியத்தில் ஒருவர் வழக்கத்தை விட கூடுதல் கவனமாக இருக்க வேண்டும். அதற்கு இதயத்தை ஆரோக்கியமாக வைத்துக் கொள்ள உதவும் உணவுகள் மற்றும் பழக்கவழக்கங்களைக் கொள்வது மட்டுமின்றி, இதய பிரச்சனைகளின் அறிகுறிகளை அறிந்து, அவற்றை அனுபவித்தால் சற்றும் தாமதிக்காமல் மருத்துவரை அணுக வேண்டும். மாரடைப்பு வருவதற்கு ஒரு மாதத்திற்கு முன்பிருந்தே ஒருசில அறிகுறிகளை பெரும்பாலான மக்கள் சந்திப்பதாக ஆய்வுகள் கூறுகின்றன. இப்படிப்பட்ட அறிகுறிகளை புரோட்ரோமல் அறிகுறிகள் என்று அழைப்பர். இந்த அறிகுறிகளை ஒருவர் தெரிந்து வைத்துக் கொள்வதன் மூலம், மாரடைப்பால் ஏற்படும் மரணத்தைத் தவிர்க்கலாம். பொதுவாக மாரடைப்பின் போது நெஞ்சு பகுதியில் விவரிக்க முடியாத வலி ஏற்படும் என்று தான் பலரும் நினைக்கின்றனர். ஆனால் இந்த அறிகுறியைத் தவிர வேறுசில அறிகுறிகளையும் நிறைய மக்கள் அனுபவித்துள்ளனர். அந்த அறிகுறிகளாவன: * நெஞ்சு பாரம்

* படபடப்பு * சுவாசிப்பதில் சிரமம் * நெஞ்சு எரிச்சல் * உடல் சோர்வு மற்றும் பலவீனம் * தூங்குவதில் பிரச்சனை மற்றும் தூக்கமின்மை மருத்துவர்களின் கூற்றுப்படி, இதயத்திற்கு செல்லும் இரத்தக்குழாய்களில் பகுதியளவு அடைப்பு ஏற்பட்டு மாரடைப்பு ஏற்பட்டால், ஒரு வாரத்திற்கு முன்பிருந்தே ஒருசில எச்சரிக்கை அறிகுறிகளை சந்திக்க நேரிடும். அதே சமயம் இரத்தக்குழாய்களில் முழு அடைப்பு ஏற்பட்டு மாரடைப்பு ஏற்படுமானால், அதன் எச்சரிக்கை அறிகுறிகள் ஒரு மாதம் அல்லது அதற்கும் முன்பிருந்தே தெரியக்கூடும். அதுவும் ஒருவருக்கு மாரடைப்பு வரும் அபாயம் இருந்தால், அதன் எச்சரிக்கை அறிகுறிகள் கண்களில் தெரியும். அந்த அறிகுறிகள் பின்வருமாறு கொடுக்கப்பட்டுள்ளன. கண்களில் மஞ்சள் நிற திட்டுகள் உடலில் கெட்ட கொலஸ்ட்ரால் அதிகமாக இருந்து, ஒருவருக்கு மாரடைப்பு வரப்போகிறது என்றால் அதன் முதன் அறிகுறி கண்களில் மஞ்சள் நிற திட்டுகள் உருவாகும் என்று மருத்துவர்கள் கூறுகின்றனர். எனவே உங்கள் கண்களில் திடீரென்று மஞ்சள் நிற திட்டுகள் தெரியத் தொடங்கினால், தாமதிக்காமல் மருத்துவரை அணுகுங்கள். "எகண்கள் சிவந்து போவது சில நேரங்களில் கண்கள் சிவந்து காணப்படும். அப்போது நாம் அதை மிகுந்த உடல் சோர்வு அல்லது தூக்கமின்மையால் ஏற்பட்டதாக நினைத்து சாதாரணமாக விட்டுவிடுவோம். ஆனால் ஒருவரது இரத்த அழுத்தம் அதிகமானாலும் கண்கள் சிவக்கக்கூடும். எனவே நல்ல தூக்கத்தை மேற்கொண்ட பின்னரும் ஒருவரது கண்கள் சிவந்து காணப்பட்டால், அவரது இரத்த அழுத்தம் மிகவும் அதிகமாக உள்ளது என்று அர்த்தம். இந்நிலையில் மருத்துவரை உடனே அணுக வேண்டும். கண் வீக்கம் கண்களைச் சுற்றி வீக்கம் ஏற்பட்டால், அதை சாதாரணமாக எடுத்துக் கொள்ள வேண்டாம். அதுவும் காரணமின்றி திடீரென்று கண்களில் வீக்கம் ஏற்பட்டால், உடனே மருத்துவரை அணுகி இதயத்தை சோதனை செய்து பாருங்கள். கண்களில் வலி கண்களில் விவரிக்க முடியாத வலியை அனுபவித்தால், அது தீவிரமான இதய நோயின் அறிகுறியாக இருக்கலாம். ஒருவருக்கு மாரடைப்பு வரப்போகிறது என்றால் இப்படியான கண் வலியை ஒருவர் அனுபவிக்கக்கூடும். இதற்கு இதயத்தில் உள்ள பிரச்சனையால் ஏற்படும் இரத்த ஓட்ட குறைபாடு தான் காரணம். தீவிரமான தலைவலி உங்களுக்கு சமீப காலமாக அடிக்கடி தலைவலி வருகிறதா? அப்படியானால் அது இதய பிரச்சனையின் அறிகுறியாக இருக்கலாம். எனவே தலைவலியை அதிகம் சந்தித்தால், அதை சாதாரணமாக எடுத்துக் கொள்ளாமல் மருத்துவரை உடனே அணுகுங்கள். மேலே கொடுக்கப்பட்டுள்ள அறிகுறிகளை ஒருவர் அடிக்கடி சந்தித்தால், அதை சாதாரணமாக எடுத்துக் கொள்ளாமல் உடனே மருத்துவரை அணுகுங்கள். ஏனெனில் இந்த அறிகுறிகள் மாரடைப்பின் எச்சரிக்கை அறிகுறிகளாக இருக்கலாம்.

Monday, 16 December 2024

1 கிராம் தங்கத்தை அடமானம் வைத்தால் எவ்வளவு பணம் கிடைக்கும்?

1 கிராம் தங்கத்தை அடமானம் வைத்தால் எவ்வளவு பணம் கிடைக்கும்? இப்படி தான் லோன் தொகை கணக்கிடப்படுகிறத நம் நாட்டில் தங்கத்திற்கென்று தனி மதிப்பு இருக்கும். காரணம் இதை தேவைப்படும் நேரங்களில் பணமாக மாற்றி பெற்றுக் கொள்ளலாம். தங்க கடன் என்பது அவசரப் பணத் தேவைகளைப் பூர்த்தி செய்வதில் முக்கிய பங்காற்றுகிறது. ஆனால் பலருக்கும் 1 கிராம் தங்க நகைக்கு எவ்வளவு பணம் கிடைக்கும்? என்ற விவரங்கள் தெரியாது. இந்தப் பதிவில் 1 கிராம் தங்கத்தை அடகு வைத்தால் எவ்வளவு தொகையை கடைக்காரர் வழங்குவார்? என்பது குறித்து தெரிந்து கொள்வோம். தங்கக் கடன்: தங்கத்தின் எடை மற்றும் அடமானம் வைக்கும் போது தங்கத்தின் விலை ஆகிய இரண்டு காரணிகளின் அடிப்படையில் கணக்கிடப்படுகிறது. அதோடு நீங்கள் வாங்கிய தங்கத்தின் மதிப்பு, தங்கத்தின் தூய்மை மற்றும் லோன் டு வேல்யூ ரேஷியோ (LTV) என்ற 3 காரணிகளை அடிப்படையாகக் கொண்டது. இதில் லோன் டு வேல்யூ ரேஷியோ என்பது கடன் வழங்குனரால் நிர்ணயிக்கப்படும் விகிதமாகும். "வங்கிகள், NBFC-கள் கொடுக்கும் தங்க நகை கடன்.. இப்போ லேட்டஸ்ட் வட்டி எவ்வளவு தெரியுமா? " தங்க கடன் விகிதத்தை கணக்கிடும் போது மனதில் கொள்ள வேண்டிய சில விஷயங்கள்:

தங்கத்தின் தூய்மை: நீங்கள் வழங்கும் தங்கத்தின் தூய்மை அதன் மதிப்பை தீர்மானிப்பதில் முக்கிய பங்கு வகிக்கிறது. கடன் வழங்குபவர்கள் 18 கேரட் முதல் 24 கேரட் வரை தூய்மையான தங்கத்தை ஏற்றுக் கொண்டு கடன் தருகின்றனர். அதிக கேரட் அதிக கடன் தொகைக்கு வழிவகுக்கும். உதாரணமாக 24 கேரட் தங்கம் தூய்மையானது. எனவே 18 கேரட் தங்கத்தோடு ஒப்பிடுகையில் 24 கேரட் தங்கத்திற்கு அதிக கடன் கிடைக்கும்.

தங்கத்தின் சந்தை விலை: தங்கக் கடனை மதிப்பிடுவதில் தங்கத்தின் அப்போதைய விலையும் கருத்தில் கொள்ளப்படும். பொதுவாக உலக பொருளாதார நிலைமைகள், தேவை, புவிசார் அரசியல் பதட்டங்கள் போன்றவற்றின் காரணமாக தங்கம் நிலையில் தினசரி அடிப்படையில் மாறுதல் ஏற்படுகிறது. உதாரணமாக உங்கள் பகுதியில் 1 கிராம் ஏழாயிரம் என்றால் 7000 என்று வைத்துக் கொள்வோம். இது உங்கள் தங்க கடனுக்கான அடிப்படை விலை மட்டுமே. பொதுவாக தங்கத்தின் சந்தை மதிப்பில் 75% வரை கடன் தொகையாக பெறலாம். எனவே அதிக சந்தை விகிதம் இருக்கும் போது நீங்கள் பெரும் கடன் தொகையும் அதிகரிக்கும். "மரண அடி வாங்கிய முகேஷ் அம்பானி, அதானி.. 100 பில்லியன் டாலர் கிளப்பில் இருந்து வெளியேற்றம்..!!" லோன் டு வேல்யூ ரேஷியோ: LTV என்பது உங்கள் தங்கத்தின் சந்தை மதிப்பை வைத்து எவ்வளவு கடன் வழங்கப்பட உள்ளது என்பதைத் தீர்மானிக்கும் விகிதமாகும். பெரும்பாலான கடன் வழங்குனர்கள் 75 சதவீதம் வரை லோன் வழங்குகின்றனர். உதாரணமாக 24 தங்கத்தின் மதிப்பு 7,000 ரூபாய் என்று வைத்துக் கொள்வோம். நீங்கள் 100 கிராம் தங்கத்தை அடமானம் வைக்கிறீர்கள். அப்படியானால் உங்கள் தங்கத்தின் மொத்த மதிப்பு ரூ. 7,00,000. அப்படியானால் இதில் 75% வரை நீங்கள் கடனாகப் பெறலாம். அதன்படி ரூ. 5,25,000 ரூபாய் உங்களுக்கு கிடைக்கும்.

சுண்டு விரல் மோதிர விரல் அளவு

டைப்-A உங்கள் சுண்டு விரல் மோதிர விரலின் மேல் கோடு வரை இருந்தால், நீங்கள் அவ்வளவு எளிதில் மற்றவர்களுடன் பழகமாட்டீர்கள். உங்களுக்கு நெருக்கமானவர்களுடன் கூட உங்கள் மனதில் பட்டதை வெளிப்படையாக சொல்லமாட்டீர்கள். நேர்மையின்மை உங்களுக்கு அதிக கோபத்தை ஏற்படுத்தும். நீங்கள் எப்போதும் ஒருவருக்கு உண்மையாக, நேர்மையாக இருப்பீர்கள். நீங்கள் எப்போதும் மற்றவர்களிடம் இருந்து தள்ளி, தனிமையில் இருக்கவே விரும்புவீர்கள். இதனால் பலர் உங்களை ஆணவம் பிடித்தவர்களாக தவறாக நினைக்கலாம். ஆனால் உங்களைப் பற்றி நன்கு தெரிந்தவர்களுக்கு நீங்கள் எப்படிப்பட்டவர் என்பது நன்கு தெரியும். நீங்களும் அதுவே போதும் என்று இருப்பீர்கள். மற்றவர்களிடம் உங்களை நிரூபிக்க விரும்பமாட்டீர்கள்.

டைப் - B உங்கள் சுண்டு விரல் மோதிர விரலின் மேல் கோடுக்கு மேல் நீளமாக இருந்தால், நீங்கள் மிகவும் உண்மையாக இருப்பீர்கள் மற்றும் மிகவும் சென்சிடிவ்வானவர்கள். உங்களுக்கு காதலன்/காதலி இருந்தால், அவர்கள் தான் உலகம் என்று இருப்பீர்கள். உங்கள் வாழ்க்கையில் அவர்களுக்கு தான் முன்னுரிமை அளிப்பீர்கள். அவர்களுடன் ஆழமாக இணைந்திருக்க முயற்சிப்பீர்கள்.

நீங்கள் உங்களை எப்போதும் மகிழ்ச்சியான நபராக வெளிக்காட்டிக் கொள்வீர்கள். வாழ்க்கையில், உங்களின் வேலை, கல்வி, குடும்பம் அல்லது நண்பர்கள் என நீங்கள் எதை எண்ணுகிறீர்களோ, அவற்றிற்கு உங்களை முழுமையாக அர்ப்பணிக்கிறீர்கள். இப்படியான எண்ணம் நீங்கள் நினைத்ததை சாதிக்க உதவுகிறது. மொத்தத்தில் நீங்கள் அமைதியானவர். எப்பேற்பட்ட அழுத்தமான சூழ்நிலையிலும் உங்களை கூலாக வைத்துக் கொள்வீர்கள். டைப் - C உங்கள் சுண்டு விரல் மோதிர விரலின் மேல் கோடு வரை இல்லாமல் குட்டையாக இருந்தால், நீங்கள் கலகலப்பான நபர் மற்றும் உங்களிடம் எந்த ஒரு எதிர்மறையும் நெருங்க முடியாது. நீங்கள் தனக்கு ஒருவர் செய்த தவறை எளிதில் மன்னிப்பதோடு, மறக்கவும் செய்வீர்கள். மனதில் ஒன்றை வைத்துக் கொண்டு வெளியே ஒன்றை பேசமாட்டீர்கள். மனதில் பட்டதை வெளிப்படையாக பேசுவீர்கள். மேலும் நீங்கள் மிகவும் சுறுசுறுப்பான நபர். உங்கள் துணையுடன் அல்லது அன்புக்குரியவருடன் வாக்குவாதம் அல்லது சண்டை ஏற்பட்டால், முதலில் நீங்கள் போய் மன்னிப்பு கேட்டு பேசுவீர்கள். பரிச்சயம் உங்களுக்கு ஆறுதல் அளிப்பதோடு, உங்களுக்கு ஒரு பாதுகாப்பு உணர்வைத் தரும்

சூரியன் ஏன் உலகம் தோன்றிய காலம் முதலே கிழக்கில் உதித்து மேற்கில் மறைகிறது தெரியுமா?

சூரியன் ஏன் உலகம் தோன்றிய காலம் முதலே கிழக்கில் உதித்து மேற்கில் மறைகிறது தெரியுமா? இதுதான் காரணமாம்?

உலகில் அனைத்து உயிரினங்களின் ஆதாரமாக இருப்பது சூரியன்தான். சூரிய ஒளி மட்டுமில்லை என்றால் பூமியில் உயிரினங்கள் எப்போதே மொத்தமாக அழிந்திருக்கும். உலகில் எப்போதும் மாறாத மற்றும் மாற்றவே முடியாதவிஷயங்களில் ஒன்று சூரியன் உதிக்கும் திசை. உலகம் தோன்றிய காலம் முதலே சூரியன் கிழக்கில் உதித்து, மேற்கில் மறைகிறது. இன்னும் பல ஆயிரமாண்டுகள் கடந்தாலும் இந்த விஷயத்தை யாராலும் மாற்ற முடியாது. பூமியில் அனைத்தும் மாற்றங்களுக்கும், பரிணாம வளர்ச்சிக்கும் உட்பட்டு வரும் நிலையில் பல மில்லியன் ஆண்டுகள் கழித்தும் சூரியன் உதிக்கும் திசை எப்படி மாறாமல் இருக்கிறது என்று எப்போதாவது சிந்தித்து உள்ளீர்களா? ஒருவேளை உங்கள் மனதில் இந்த கேள்வி இருந்தால் அதற்கான பதில் பூமியின் நிலையான சுழற்சியில் உள்ளது. இந்த மாற்ற முடியாத அசாதாரண நிகழ்வு பல மில்லியன் ஆண்டுகளாக துல்லியமாக நடந்து வருகிறது, அது நம் நாட்களை தீர்மானிக்கிறது, அதனை அடிப்படையாக வைத்துதான் உலகம் செயல்படுகிறது. இந்த அதிசயத்தின் பின்னால் உள்ள இயக்கவியலைப் பற்றி இந்த பதிவில் தெரிந்து கொள்ளலாம். கடந்த காலங்களில் சூரியன் பூமியைச் சுற்றி வருகிறது என்பதை நிரூபித்ததாக பண்டைய மக்கள் நம்பினர். நவீன வானியல் ஆராய்ச்சிகள், சூரியன் நம்மைச் சுற்றி வரவில்லை என்றும், அதற்கு பதிலாக, நமது கிரகம் அதன் அச்சில் சுழலும் போது சூரியனைச் சுற்றி வருகிறது என்பதைக் கண்டுபிடித்து உறுதிப்படுத்தின. இந்த இயக்கம் சூரியன் வானத்தில் நகரும் தோற்றத்தை உருவாக்குகிறது, இது நாம் நேரத்தை அளவிடுவதற்கான அடித்தளத்தை உருவாக்குகிறது. வான வடக்கிற்கு மேலே இருந்து பார்த்தால் பூமி எதிரெதிர் திசையில் சுற்றுவது போல் தோன்றும். இதன் விளைவாக, பூமியின் மேற்பரப்பில் உள்ள ஒரு பார்வையாளருக்கு, சூரியன் ஒரு மணி நேரத்திற்கு 15° (அல்லது நிமிடத்திற்கு 15') என்ற விகிதத்தில் மேற்கு நோக்கி நகர்வது போல் தோன்றுகிறது. வானத்தில் காணப்படும் அனைத்து வானப் பொருட்களுக்கும் இதுவே பொருந்தும். பூமி கிழக்கு நோக்கி சுழல்கிறது, அதனால்தான் சூரியன், சந்திரன், கிரகங்கள் மற்றும் நட்சத்திரங்கள் அனைத்தும் கிழக்கில் உதயமாகி, வானத்தின் குறுக்கே மேற்கு நோக்கி சென்று மறைகின்றன. உதாரணமாக நீங்கள் கிழக்கு நோக்கி இருக்கிறீர்கள் என்று வைத்துக்கொள்வோம், கிரகம் உங்களை கிழக்கு நோக்கி கொண்டு செல்கிறது, அதனால் அந்த கிழக்கு அடிவானத்திற்கு அப்பால் உள்ள அனைத்தும் இறுதியில் பூமியின் கிழக்கு சுழற்சியுடன் தோன்றும். பூமியுடன் ஒப்பிடும்போது சூரியன் நிலையானது, அதே நேரத்தில் பூமி அதன் அச்சில் மேற்கிலிருந்து கிழக்காக சுழல்கிறது. பூமி அதன் அச்சில் மணிக்கு 1,600 கிமீ வேகத்தில் சுழல்கிறது.எனவே, கிழக்கிலிருந்து மேற்கு நோக்கி நகர்வது போல் தோன்றுவது சூரியன் அல்ல, ஆனால் பூமி தான் சூரியனின் இயக்கத்தை அதன் சுழற்சி மூலம் வரையறுக்கிறது. இருப்பினும், இந்த அறிவியல் விதிக்கு விதிவிலக்கான இரண்டு கிரகங்கள் வீனஸ் மற்றும் யுரேனஸ். சூரியனைச் சுற்றியுள்ள அதன் சுற்றுப்பாதையுடன் ஒப்பிடும்போது வீனஸ் பின்னோக்கிச் சுழல்கிறது. மறுபுறம், யுரேனஸ் மேற்குத் திசையில் பெரும்பாலான கிரகங்களுக்கு எதிர் திசையில் சுழல்வது மட்டுமல்லாமல், அதன் அச்சு மிகவும் தீவிரமான அளவிற்கு சாய்ந்துள்ளது, அது சூரியனைச் சுற்றி அதன் பக்கத்தில் உள்ளது. ஒரு கோளாக அங்கீகரிக்கப்படாவிட்டாலும், புளூட்டோ ஒரு பிற்போக்கு இயக்கத்தையும் கொண்டுள்ளது, அதாவது அதன் மேற்பரப்பில் நிற்கும் எவரும் மேற்கிலிருந்து சூரிய உதயத்தையும் கிழக்கில் அஸ்தமனத்தையும் பார்ப்பார்கள். பூமியானது சராசரியாக 107,200 km/h (66,600 mph) சுற்றுப்பாதை வேகத்தில் பயணிக்கிறது, இது சூரியனைச் சுற்றி 365.256 நாட்களில் ஒரு முழு சுற்றுப்பாதையை நிறைவு செய்கிறது, இது ஒரு சைட்ரியல் ஆண்டு என்று அழைக்கப்படுகிறது. இதன் விளைவாக, ஒவ்வொரு நான்கு வருடங்களுக்கும், காலெண்டரில் ஒரு கூடுதல் நாள் சேர்க்கப்படுகிறது, இது ஒரு லீப் ஆண்டு என்று அழைக்கப்படுகிறது. மேலும் அதன் எதிரெதிர் திசையில் இயக்கம் மற்றும் அதன் அச்சு சாய்வு காரணமாக, பூமி வெவ்வேறு பருவங்களை அனுபவிக்கிறது. வட துருவம் சூரியனை நோக்கிச் செல்லும் போது, வடக்கு அரைக்கோளம் கோடைகாலத்தையும், தெற்கு அரைக்கோளம் குளிர்காலத்தையும் அனுபவிக்கிறது. தென் துருவம் சூரியனை நோக்கிச் செல்லும் போது நேர்மாறாகவும் நிகழ்கிறது. ஒவ்வொரு துருவமும் பெறும் சூரிய ஒளியின் அளவு மற்றும் உலகெங்கிலும் உள்ள வெப்பநிலை மாறுபாடுகள் அனைத்தும் சூரியனைச் சுற்றி பூமியின் செயல்பாடுகளின் விளைவுகளாகும்.

தனிஷ்டா பஞ்சமி

தனிஷ்டா பஞ்சமி சொல்லும் ரகசியம்: இந்த 13 நட்சத்திரங்களில் இறப்பு என்பது ஏன் சிக்கலானது?

ஒருவர் இறந்து போனவுடன், அவர் உறவுகள் இறந்தவர் எந்த வழியாக உயிரை விட்டார் என்று பார்த்து அதற்கேற்ற பரிகாரத்தையும் செய்வது உண்டு.

இருப்பவர்களுக்கு மட்டுமல்ல, இறந்தவர்களுக்கும் நட்சத்திரம் பார்க்க வேண்டும் என்கின்றன சித்தர் நூல்கள். ஒருவர் இறக்கும் வேளையில் எந்த நட்சத்திரம் என்பதை அறிந்து அதற்கேற்ற பரிகாரங்களைச் செய்ய வேண்டும் என்றும் ஜோதிட நூல்கள் கூறுகின்றன. அதில் முக்கியமானது தனிஷ்டா பஞ்சமி.

தனிஷ்டா பஞ்சமியின் நட்சத்திரங்கள் 13. அதன்படி இந்த 13 நட்சத்திரங்களில் இறந்து போனவர்கள், மேலுலகம் செல்வதற்குத் தடை ஏற்படும். இதை 'அடைப்பு' என்று பாமர மக்கள் சொல்கிறார்கள். அவிட்டம், சதயம், பூரட்டாதி, உத்திரட்டாதி, ரேவதி ஆகிய 5 நட்சத்திரங்களில் இறந்துபோனவர்களுக்கு ஆறு மாதங்கள் அடைப்பு உண்டாகும். ரோகிணியில் இறந்தவர்களுக்கு நான்கு மாதங்கள். கார்த்திகை, உத்திரம் நட்சத்திரங்களில் இறந்தவர்களுக்கு மூன்று மாதங்கள் அடைப்பு. மிருகசீருஷம், சித்திரை, புணர்பூசம், விசாகம், உத்திராடம் நட்சத்திரங்களுக்கு இரண்டு மாதங்கள் அடைப்பு என்று குறிப்பிடப்பட்டுள்ளது. அதாவது குறிப்பிட்ட அந்தக் காலத்துக்கு அந்த ஆன்மா மேலுலகம் செல்ல முடியாமல் இங்கேயே இருந்து அலையும் என்கின்றன ஜோதிட நூல்கள்.

நட்சத்திரங்கள்

இப்படி அடைப்பு உள்ள நேரங்களில் இறந்துபோனவர்கள் மேலுலகம் செல்லாமல் அலைவதால் இறந்து போனவர் வீட்டில் பல விரும்பத்தகாத சம்பவங்கள் நடைபெறலாம் என்று நம்புகிறார்கள். இறந்தவர்களுக்காக முறையான பரிகாரங்களைக் செய்யாவிட்டால் தனிஷ்டா என்ற துர்தேவதை இறந்தவர் வீட்டில் உள்ளவர்களை அச்சுறுத்தும் என்றும் சொல்கிறார்கள். இந்த நம்பிக்கையை அடிப்படையாகக் கொண்டே ஒருவர் இறந்துவிட்டால் உடனடியாக நட்சத்திரம் பார்த்து அதற்கேற்ற பரிகாரங்களைச் செய்துவந்தார்கள். முக்கியமாக இந்த அடைப்பு காலம் முடியும்வரை வீட்டைப் பூட்டி வைத்திருப்பார்கள்.

ஒருவர் இறந்தவுடனே அவர் தங்கிய வீட்டை அடைத்துவிட்டு சுவரை இடித்து வேறுவழியாகப் பிணத்தை எடுத்துக் கொண்டு வருவது, கூரையைப் பிரித்து கொண்டுவருவது போன்ற கடுமையான பரிகாரமெல்லாம் தனிஷ்டா பஞ்சமிக்காகக் கடைபிடித்திருக்கிறார்கள்.

ஒரு ஆன்மா எந்த நட்சத்திரத்தில் வெளியேறுகிறதோ அந்த நட்சத்திரத்தின் வழியாகவே மேலுலகம் செல்வதாகச் சொல்லப்படுகிறது. தனிஷ்டா பஞ்சமி நட்சத்திரங்களான 13 நட்சத்திரங்கள் தவிர மீதமுள்ள 14 நட்சத்திரங்களில் இறப்பவர்கள் எந்தத் தடையும் இன்றி எளிதாக மேலுலகம் அடைகிறார்கள். அடைப்பு கொண்ட ஆன்மாக்கள் மட்டும் அமைதியின்றி அலைகின்றன என்று கருடபுராணமும் உறுதிப்படுத்துகின்றது.

மேலும் அடைப்பு காலத்தில் இறந்தவரை அன்றே சூரியன் மறைவதற்குள் தகனம் செய்துவிட வேண்டும். குளிகை காலம் இல்லாமல் பார்த்துக் கொள்வது அவசியம். அந்தப் பிணத்தைத் தகனம் செய்யும்போது தர்ப்பை அல்லது அருகம்புல்லால் ஆன 5 பொம்மைகள் செய்து கொள்ளி வைப்பவர் கையால் எரித்து விட வேண்டும். இல்லையெனில் ஒரு தேங்காயை மயானத்தில் உடைக்க வேண்டும். அசைவம் உண்பவர்கள் என்றால் கோழி அல்லது சேவலை உயிருடன் பிணத்துடன் சேர்த்துக் கட்டி கொண்டு போய் இடுகாட்டில் வேலை செய்பவரிடம் ஒப்படைப்பதுண்டு. அல்லது பிணத்துடன் புதைப்பதுண்டு.

ஆனால் தற்போதைய நவீன காலத்தில் வீட்டையெல்லாம் இடிப்பதில்லை. இறந்தவர் தங்கியிருந்த இடத்தில், அவர் அன்றாடம் உபயோகித்த பொருள்களை வைத்து, குறிப்பிட்ட அடைப்பு காலம் வரை மாலைநேரத்தில் தீபம் ஏற்றி, தண்ணீர் வைத்து, கற்பூர ஆரத்தி செய்து ஆன்மா சாந்தி அடைய வேண்டிக் கொள்கிறார்கள்.

அடைப்பு காலம் முடிந்ததும் நதி மற்றும் கடல் தீரங்களுக்குச் சென்று ஏற்றிய விளக்கு, அவர் உபயோகித்த பொருள்களை நீரில் சேர்த்துவிட்டு சாந்தி செய்கிறார்கள். தற்போது இன்னும் எளிதாக அடைப்பு காலத்தில் ஒருவர் இறந்தால் ஒரு புதிய வெண்கலக் கிண்ணத்தில் நல்லெண்ணெய் விட்டு தீபம் ஏற்றி அதை தானம் செய்து விடுகிறார்கள்.

அடைப்பு காலத்தில் இறந்தவருக்கு ஈமகாரியம் செய்பவர்களுக்கு எந்தத் தீங்கும் நேராதபடிக்கு உரிய பரிகாரத்தைச் செய்ய வேண்டும் என்று சித்தர் நூல்களும் கூறுகின்றன.

'இறந்து விட்டால் வீட்டை அடைக்க நாளை கேளாய்

இயல்பான அவிட்டமோடு சதயம் பின்னும்

சிறந்த உத்திரட்டாதி பூரட்டாதி

செப்பிடும் ரேவதியோடு ஐந்து நாளது

திறந்து சொல்வேன் தனிஷ்டா பஞ்சமியே யாகும்'

'வீட்டைக் குமிந்த நட்சத்திரங்கட்கு

வினைதீர மறுபக்கம் சுவர் இடித்துக்

கூடவே அவ்வழியாய் பிரேதந் தன்னைக்

கொண்டுவரில் வீடடைக்கத் தேவையில்லை.

தேடவே சாந்தி செய்யில் வீடிடிக்கத்

தேவையில்லை நேர்வழி யாயெடுக்கலாகும்'

Wednesday, 11 December 2024

வேலையில் சேர சுப நேரம் ஏன் தேவை?

புதிய வேலையில் சேர்வதற்கான நல்ல தேதி மற்றும் நேரம், பதவி உயர்வு மற்றும் இடமாற்றம்புதிய வேலையில் சேர்வதற்கான நல்ல தேதி மற்றும் நேரம், பதவி உயர்வு மற்றும் இடமாற்றம்.

பழங்காலத்திலிருந்தே சுப நேரங்கள் பல்வேறு நோக்கங்களுக்காக பயன்படுத்தப்பட்டு வருகின்றன. இந்திய கலாச்சாரத்தில், கருவுற்றது முதல் இறப்பு வரை பதினாறு சடங்குகளும் மங்கள நேரத்தில் செய்யப்படுகின்றன. பஞ்சாங்கம் சுத்திகரிக்கப்பட்ட பிறகு நிர்ணயிக்கப்பட்ட நேரம் "சுபகாலம்" என்று அழைக்கப்படுகிறது.

இதனாலேயே சுபமுகூர்த்தத்தில் செய்யும் காரியம் இடையூறு இன்றி வெற்றியடையும் என்பது பொதுவாகக் காணப்படுகின்ற போதிலும், சுப திதி, நேரத்தைக் கருத்தில் கொள்ளாமல் எந்த வேலை செய்தாலும் அதில் வெற்றி இல்லை.

வேலையில் சேர சுப நேரம் ஏன் தேவை?

நீங்கள் ஒரு நல்ல நாள், நேரம் மற்றும் நட்சத்திரத்தில் உங்கள் வேலையில் சேர்ந்தால், நீங்கள் சில சிக்கல்களைத் தவிர்க்கலாம். தேதி மற்றும் நேரத்தை கருத்தில் கொள்ளாமல் பணியில் சேருபவர்கள் பல பிரச்சனைகளை சந்திக்க நேரிடுகிறது அல்லது பதவி உயர்வு தாமதமாகிறது. எனவே, புதிய வேலையில் சேரும் போது, சுப நாள், நட்சத்திரம், திதி ஆகியவற்றை கருத்தில் கொள்ள வேண்டும்.

நல்ல தேதி, நாள் மற்றும் நட்சத்திரக் கூட்டத்தை எப்படி தேர்வு செய்வது?

மங்களகரமான தீதி

துவிதியை, திரிதியை, பஞ்சமி, சப்தமி, ஏகாதசி, த்ரயோதசி மற்றும் பூர்ணிமா.

நாட்கள்

திங்கள், புதன், வியாழன் மற்றும் வெள்ளி.

சுப நட்சத்திரம்

ரோகிணி, ஹஸ்தா, ஸ்வாதி, உத்தர பாத்ரபதா, உத்தரா பால்குனி மற்றும் உத்தராஷாதா.

சுப லகன்

(மேஷம், கடகம், துலாம் மற்றும் மகரம் தவிர) மற்ற எல்லா ராசிக்காரர்களிலும் நீங்கள் வேலையில் சேரலாம்.

மங்களகரமான யோகம்

ப்ரீத்தி, ஆயுஷ்மான், சோபாக்யா, ஷோபன், சத்யா, த்ரிதி, சுகர்மா ஆகியோர் யோகா வேலைகளில் சேர வேண்டும்.

சுப கரன்

விஷ்டி, நாக் மற்றும் சகுனி தவிர, மற்ற கரன் ஏற்றுக்கொள்ளப்படுவதற்கு தகுதியுடையவர்கள்.

ஏற்றம் லக்னம்

லக்னம் ( மேஷம், கடகம், துலாம் மற்றும் மகரம் ) தவிர , மீதமுள்ள லக்னத்தில் நீங்கள் ஒரு வேலையில் சேர வேண்டும், நீங்கள் நிலையான லக்னத்தில் சேர்ந்தால், அது நன்றாக இருக்கும். லக்னம் மற்றும் எட்டாம் வீடு லக்னத்தில் இருந்து தோஷ கிரகங்களிலிருந்து விடுபட வேண்டும்.

சந்திர சுத்திகரிப்பு

பணியில் சேரும் போது, சந்திர சுத்திகரிப்பு பற்றி சிந்திக்க வேண்டும். இதற்கு ஜன்ம ராசியிலிருந்து 4,6,8, 12 ஆகிய இடங்களில் சந்திரன் இருக்கக்கூடாது.

கால் சுத்தி

அமாவாசை, சங்கராந்தி, ஷ்ரத்தா பக்ஷா, ஹோலிகாஷ்டக் ஆகிய நாட்களில் நீங்கள் வேலைகளில் சேரக்கூடாது.

அபிஜித் முஹூர்த்தம்

இந்த முகூர்த்தம் ஒவ்வொரு நாளும் (புதன் கிழமை தவிர) கிடைக்கும். அதன் நேரம் உள்ளூர் நண்பகல் நேரத்திற்கு 24 நிமிடங்களுக்கு முன் தொடங்கி உள்ளூர் மதிய நேரத்திற்கு 24 நிமிடங்களுக்குப் பிறகு முடிவடைகிறது.

ராகு கால மற்றும் சௌகாரிய நேரம்

நீங்கள் ஒரு புதிய வேலை அல்லது பதவி உயர்வில் சேரப் போகிறீர்கள் என்றால், நீங்கள் ராகு காலம் மற்றும் சாதகமற்ற சௌதியே முகூர்த்தத்தை தவிர்க்க வேண்டும். சுப சோகதியா முஹூர்த்தம் இருப்பதால் நீங்கள் புதிய வேலையில் சேரலாம்.

Tuesday, 10 December 2024

பகவானுக்கு உரிய பவள மோதிரத்தை யார் அணியலாம்? யார் அணியக்கூடாது?’

’செவ்வாய் பகவானுக்கு உரிய பவள மோதிரத்தை யார் அணியலாம்? யார் அணியக்கூடாது?’ முழு விளக்கம் இதோ!

ரத்தினவியல் படி, ஜாதகத்தில் உள்ள கிரகங்களின் நிலை மற்றும் ராசிக்கு ஏற்ப ரத்தினத்தை அணிய வேண்டும் என்பது விதியாக உள்ளது. ஒவ்வொரு ரத்தினங்களை அணிவதற்கும் தனித்தனி விதிகள் உள்ளன.

சிவப்பு நிற பவளம் ஆனது செவ்வாய் கிரகத்திற்கு உரிய ரத்தினமாக வகைப்படுத்தப்பட்டு உள்ளது. கோபகாரகன், வேகமானவன், அன்புக்கு கட்டுப்பட்டவன், வார்த்தைகளில் அழுத்தமாக பேசவைக்கும் கிரகம் ஆக செவ்வாய் உள்ளார். செவ்வாய் பகவானின் அதிதேவதையாக முருக பகவானும், செவ்வாயினுடைய ஆளுமை மிக்க கடவுளாக ஆஞ்சநேயரும் போற்றப்படுகிறார். பூமி மற்றும் சகோதர காரர்கர் ஆன செவ்வாய் பகவான் ஆனவர் நமது பற்கள், ரத்தம், எலும்பு ஆகியவற்றின் அதிபதியாக உள்ளார். பொருள் காரகத்துவத்தில் வீடு, மனை, வாகனம், நிலங்கள், கனரக வாகனங்களை செவ்வாய் குறிக்கின்றது.

பவளத்தை முறையான விதிகளை பின்பற்றி அணிவதன் மூலம் செவ்வாய் பகவானின் பலம் கிடைக்கும். பவளம் அணிவதால் தன்னம்பிக்கை அதிகரிக்கும். யார் எப்போது, எந்த முறையில் பவளத்தை அணிய வேண்டும் என்பதை எங்களுக்குத் தெரியப்படுத்துங்கள்.

பவளத்தை எப்போது அணிய வேண்டும்?

பவளம் செவ்வாய் கிரகத்துடன் தொடர்புடையது என்பதால், செவ்வாய் கிழமையில் பவளம் அணிவது மங்களகரமான பலன்களை உண்டாக்கி தரும். அதே நேரத்தில், அதை அணிவதற்கு முன் சுத்திகரிப்பு செய்ய வேண்டியது அவசியம்.

பவளம் அணிவது எப்படி?

பவளத்தை செம்பு, தங்கம் அல்லது வெள்ளி ஆகிய உலோகங்களுடன் இணைத்து மோதிரமாக அணியலாம். செவ்வாய் கிழமைகளில் பவளத்தை நீர் மற்றும் பசும்பாலில் ஊற வைத்து மோதிர விரலில் அணிய வேண்டும். 7 முதல் 8 ராட்டிகள் கொண்ட பவளத்தை அணிவது நற்பலன்களை கொடுக்கும்.

யார் பவளம் அணிய வேண்டும்?

செவ்வாய் பகவானை அதிபதியாக கொண்ட மேஷம் மற்றும் விருச்சிகம் ராசிக்காரர்கள் பவள மோதிரம் அணிவது வாழ்கையில் முன்னேற்றம் மற்றும் வளர்ச்சியை கொடுக்கும். லக்னம் மற்றும் சிம்மம், தனுசு அல்லது மீனம் ஆகிய ராசிகளில் செவ்வாய் இருந்தால் பவளம் அணியலாம். ஜாதகத்தில் மாங்கல்ய தோஷம் இருந்தாலும் பவளம் அணியலாம்.

பவளம் யார் அணியக்கூடாது?

அதே சமயம் மகரம் மற்றும் தனுசு ராசிக்காரர்கள் பவளம் அணிவதை தவிர்க்க வேண்டும். அதே போல் வைரத்தை பவளத்துடன் அணியக்கூடாது. அதே நேரத்தில், பவளம் அணிவதற்கு முன், உங்கள் கிரகங்களின் நிலையை நீங்கள் சரிபார்க்க வேண்டும் மற்றும் ஜோதிடரின் ஆலோசனையைப் பெறுவது நல்லது.

பக்குவப்பட்ட மனசு என்பது எது தெரியுமா?

எந்த ஒரு செயலை செய்ய ஆரம்பித்தாலும் அதை பக்குவமாக கையாள தெரிந்திருக்க வேண்டும். நாம் செய்யும் ஒவ்வொரு செயலின் மூலமும் நிறைவும், நிம்மதியும் அமைதியும் அடைகிறோம் என்பதை உணர்ந்து உற்சாகமாக செயல்படும்போது மனதில் ஒரு நம்பிக்கை பிறக்கும். அப்படி நம்பிக்கை பிறந்து விட்டால் அதுதான் பக்குவப்பட்ட மனது.

மேலும் நண்பர்களும் உறவினர்களும் இதை செய்வார்கள் அதை செய்வார்கள் என அவர்களிடம் எதிர்பார்ப்புகள் வைத்திருப்பதை தவிர்த்து விட்டு, நாமாக அவர்களுக்கு உதவிகள் செய்ய தயாராகும் போது நம்மாலும் எல்லோருக்கும் உதவ முடியும் என்ற தன்னம்பிக்கை பிறக்கும். அந்த தன்னம்பிக்கை தருவதுதான் பக்குவப்பட்ட மனது.

சிலர் எப்பொழுதும் தான் பெரிய புத்திசாலி என மற்றவர்களுக்கு நிரூபிக்க முயற்சி செய்வார்கள். அல்லது அங்கீகாரம் கொடுங்கள் என்று ஒலி மறைவாக கேட்பார்கள். அவர்கள் நமக்கு சரியான அங்கீகாரம் கொடுக்கவில்லை, நன்றாக மதிக்கவில்லை என்று எதிர்பார்த்து உறவினர்களுடனோ சுற்றத்தார்ளுடனோ கோபமடைவார்கள்.

அந்த எதிர்பார்ப்புகளை எல்லாம் கைவிடும் பொழுது நாம் அவர்களிடம் என்ன எதிர்பார்த்தோமோ அதை அவர்களுக்கே திருப்பி செய்தால் நம் மனதில் உள்ள தாழ்வு மனப்பான்மை நீங்கி ஒரு நம்பிக்கை பிறக்கும். அதுதான் பக்குவப்பட்ட மனதிற்கு அடையாளம்.

மனம் மல்லிகையாய் இருக்கட்டும்!

இப்படி ஒவ்வொன்றையும் தளராத நம்பிக்கையுடன் செய்து முடிப்பதற்கு ஒரு பக்குவம் வேண்டும். அந்தப் பக்குவம் தான் மனசுக்கு வேண்டியது.

வண்ணங்கள் பூசாத சித்திரம்

எண்ணங்கள் வெளிப்படாத ஆசை

தோல்வி தொடாத வெற்றி

பறித்து தொடுக்கப்படாத பூ

யுத்தத்தை சந்திக்காத தேசம்

உளியை சந்திக்காத சிற்பம்

தீயை சந்திக்காத தங்கம்

பிரசவத்தை சந்திக்காத பெண்மை

முழுமை பெற்றதாக சரித்திரம் இல்லை.

ஆக இவற்றையெல்லாம் சரியான முறையில் செதுக்கி செப்பனிட இதையெல்லாம் நம்மால் செய்து முடித்து விட முடியும் என்ற நம்பிக்கை வேண்டும். அந்த நம்பிக்கையின் துணைகொண்டு அவற்றை எல்லாம் சீராக்கி செப்பனிட்டால்தான் அவையெல்லாம் பக்குவம் அடையும். அந்த மாதிரியான பக்குவம்தான் மனசுக்கு வேண்டியது. அதைத்தான் பக்குவப்பட்ட மனசு என்பது.

Thursday, 5 December 2024

தயிர்சட்னி...

சமையல் தயிர் இருந்தால் போதும் இட்லி, தோசைக்கு சூப்பரான சட்னியை 10 நிமிசத்தில் செஞ்சுரலாம்... ட்ரை பண்ணி பாருங்க...!

நம் இந்திய உணவுகளில் தயிருக்கென்று எப்போதும் ஒரு தனியிடம் உள்ளது. அறுசுவை விருந்தாக இருந்தாலும் அதை தயிருடன் முடித்தால்தான் திருப்தியாக இருக்கும். தயிர் சுவையான பொருள் என்பதை விட அது ஆரோக்கியமான பொருள் என்பதில் துளியும் சந்தேகமில்லை. ஆனால் தயிரை வைத்து ஒரு சட்னி செய்யலாம் என்று எப்போதாவது சிந்தித்து உள்ளீர்களா? உண்மைதான் தயிரை வைத்து சுவையான சட்னியை விரைவாக செய்யலாம். தயிர் சட்னி என்பது இட்லி, தோசை, சப்பாத்தி போன்றவற்றுக்கு சில நிமிடங்களில் செய்யக்கூடிய சைடிஷாகும். இந்த சுவையான சட்னியை செய்ய அதிகளவு பொருட்கள் தேவையில்லை, ஆனால் சுவையில் மற்ற எந்த சட்னிகளுக்கும் இது குறைந்தது அல்ல. இந்த சட்னி கொஞ்சம் காரமாக இருக்கும், எனவே தயிர் அதன் சுவையை சமன் செய்யும். இந்த சுவையான சட்னியை எப்படி செய்யலாம் என்று தெரிந்து கொள்ளலாம். "தோசை மாவு சேர்த்து செய்யப்படும் கையேந்தி பவன் சட்னி ரெசிபி..ட்ரை பண்ணுங்க..இட்லி, தோசைக்கு சூப்பரா இருக்கும்!" தேவையானப் பொருட்கள்: - 1 கப் தடித்த தயிர் - 1 ஸ்பூன் மிளகாய் தூள் - 2 ஸ்பூன் மல்லி தூள் - 1 ஸ்பூன் கரம் மசாலா - 1 பெரிய வெங்காயம் - 1 தேக்கரண்டி இஞ்சி பூண்டு விழுது - உப்பு தேவைக்கேற்ப - 1/2 கப் தண்ணீர் தாளிக்க: - 2 ஸ்பூன் எண்ணெய் - 1/2 ஸ்பூன் கடுகு - 1/4 ஸ்பூன் சீரகம் "தேங்காய் சட்னி அரைக்கும் போது இந்த 1 பொருளை சேர்த்த்து அரைங்க...அதுதான் சூப்பரான பாம்பே ஸ்டைல் தேங்காய் சட்னி!" செய்முறை: - தயிர் சட்னி செய்ய முதலில் தயிரில் மிளகாய் தூள் கலக்க வேண்டும். - அதன்பின் கொத்தமல்லி தூள், கரம் மசாலா தூள் மற்றும் தேவையான உப்பு சேர்க்கவும். - இப்போது நன்றாக கலக்கி க்ரீம் போன்ற அமைப்பைக் கொண்டு வந்து ஓரமாக வைக்கவும். - ஒரு கடாயில் எண்ணெய் ஊற்றி சூடாக்கி கடுகு மற்றும் சீரகம் சேர்த்து தாளிக்கவும். பின்னர் இஞ்சி பூண்டு சேர்த்து வதக்கவும். - இஞ்சி பூண்டு விழுது பச்சை வாசனை போனவுடன் அதில் நறுக்கிய வெங்காயத்தை சேர்க்கவும். - வெங்காயம் பொன்னிறமாகும் வரை வதக்கவும். - வெங்காயம் வதங்கியதும் அதில் தயிர் கலவையை சேர்க்கவும். - அதன் பிறகு சில நிமிடங்கள் மூடி வைத்து கொதிக்க வைக்கவும். திறந்து பிறகு கிளறவும் - மசாலாப் பொடிகள் பச்சை வாசனை போகும் வரை மூடி வைத்து வேகவைக்கவும். - எண்ணெய் பிரிந்து வந்ததும் அடுப்பை அணைக்கவும். - சட்னி சற்று கெட்டியாக இருக்க வேண்டும். இது இட்லி, தோசை மற்றும் சப்பாத்திக்கு சூப்பராக இருக்கும்.

தேங்காய் தீபத்தின் அற்புத பலன்..

தேங்காய் தீபத்தின் அற்புத பலன்.. தேங்காய் எண்ணெய்யில் விளக்கேற்றலாமா? அட முகத்தில் கூடிடும் வசீகரம்

ஆன்மீகத்தில் தேங்காய்களுக்கான முக்கியத்துவங்கள் என்னென்ன? தேங்காய் எண்ணெய்யில் விளக்கேற்றலாமா? தேங்காய் தீபம் ஏற்றுவதால் கிடைக்கக்கூடிய அற்புத பலன்கள் என்னென்ன தெரியுமா? இதனை சுருக்கமாக இங்கே பார்க்கலாம்.

தேங்காயை பொறுத்தவரை, ஆன்மீகத்தில் மிக முக்கியமான இடத்தை பெற்றுள்ளது. எந்த ஒரு நல்ல காரியம் என்றாலும், அதை மனதில் நினைத்துக் கொண்டு, தேங்காய் உடைத்தால் நன்மை கிட்டும் என்பது நம்பிக்கையாகும்.

spirituality coconut oil lamp

தேங்காய் மகத்துவம்: தேங்காய்கள் மங்களகரமான பொருளாக வழிபாடுகளில் இடம்பெறுவதற்கு காரணம், தேங்காயில் உள்ள 3 கண்களில், ஒரு கண் பிரம்மாவாகவும், 2வது கண் லட்சுமியாகவும், 3வது கண் சிவனாகவும் பார்க்கப்படுகிறது. இப்படி 3 தெய்வத்துக்கும் அர்ப்பணிக்கப்படுவதால், தேங்காய்களை வைத்து பூஜிக்கும்போது, எந்த காரியமும் சுலபமாக முடியும் என்று நம்பப்படுகிறது.

அதேபோல, நெய், நல்லெண்ணெய் போலவே, கடவுளுக்கு தேங்காய் எண்ணெய்யில் விளக்கேற்றுவது சிறப்புக்குரியதாகும்.. பொதுவாக விநாயகர் கோயிலில் சாமி கும்பிடும்போது, தேங்காய் எண்ணெயில் விளக்கு ஏற்றி கும்பிடுவார்கள்.. காரணம், விநாயகருக்கு தேங்காய் எண்ணெய் ஏற்றுவதன் மூலம் கடவுளின் அருள் நேரடியாக கிடைக்கிறது. மேலும், தேங்காய் எண்ணெயை தேங்காயில் வைத்து ஏற்றினால் இன்னும் சிறப்பு வாய்ந்ததாக இருக்கிறது.

தேங்காய் எண்ணெய்: அதுமட்டுமல்ல, தேங்காய் எண்ணெய்யில் விளக்கேற்றினால், பேச்சில், முகத்தில், செயலில் வசீகரம் கூடும் என்பார்கள்.. லலிதமான தெய்வங்கள் வீட்டில் வாசம் செய்யுமாம்.. கணவன், மனைவியிடையே இணக்கம் கூடும்.. பழையபாவம் நீங்குவதுடன், அனைவருக்கும் பிடித்தமானவராக நீங்கள் கருதப்படுவீர்கள். தேங்காய் எண்ணெய்யில் விளக்கேற்றி வழிபட்டால் குலதெய்வத்தின் அருள் கிடைக்கும்.

அதேபோல தோஷம் நீங்க, பணத்தகராறுகள் நீங்க, வேலை கிடைக்க, குழந்தை இல்லாதவர்களின் குறைகள் தீருவதற்கு தேங்காய் தீபம் ஏற்றி பரிகாரம் செய்யலாம்.. தேங்காய் தீபம் என்பது பெண் தெய்வங்களுக்கு செய்யப்படும் ஒரு பரிகாரம் ஆகும்.

தேங்காய் தீபம்: இந்த தேங்காய் தீபம் ஏற்றுவது எப்படி தெரியுமா? இந்த தீபத்தை ஏற்றும்போது, தேங்காய் உள்ளே நெய் ஊற்ற வேண்டும். தேங்காய் தீபத்தில் நெய் தவிர வேறு எந்த எண்ணெய்களையும் பயன்படுத்தக்கூடாது.

ஒரு தேங்காயை இரண்டாக உடைத்து, இரு மூடிகளிலும் பாதி அளவிற்கு நெய் ஊற்றிக் கொள்ள வேண்டும். ஒற்றை திரியை பயன்படுத்தாமல், 2 திரிகளை ஒன்றாக திரித்துக்கொள்ள வேண்டும். தாம்பூல தட்டில் வாழை இலை விரித்து அதன்மீது பச்சரிசியை பரப்பி தேங்காய்களை வைத்து தீபம் ஏற்ற வேண்டும்.

சிறப்புகள்: இந்த விளக்கின் திரி முழுமையாக எரிந்து, தேங்காய் எண்ணெய்யுடன் தேங்காயும் சேர்ந்து எரிய துவங்கும். இதுபோல், 9 வெள்ளிக்கிழமைகளில் செய்து வந்தால் உங்களது குறைகள் அனைத்தும் நீங்கும். ஏதாவது தோஷம் இருந்தாலும் நிவர்த்தியாகிவிடும். அதேபோல, பஞ்சபூதத்தின் ஏதாவதொரு சக்தி சரியாக இயங்காமல் இருந்தாலும், அதுவும் சரியாகிவிடும். எனினும், இந்த தேங்காய் தீபத்தை வீட்டில் செய்வதை விட கோவில்களுக்கு சென்று செய்தால், கூடுதல் பலன்களைத் தரும் என்பார்கள்.

குளிகை நேரத்தில் கட்டாயம் செய்யவே கூடாது

குளிகை நேரத்தில் எதை செய்றீங்களோ இல்லையோ! இதை மட்டும் செய்ங்க! அதிர்ஷ்டம் கொட்டும்!

குளிகை நேரத்தில் எதையெல்லாம் செய்யலாம், எதை செய்யக் கூடாது என்பதை தெரிந்து கொள்ளுங்கள். அதே நேரம் உங்களுக்கு அதிர்ஷ்டம் கிடைக்க எதையெல்லாம் செய்யலாம் என்பதையும் பார்க்கலாம்.

சதுர்த்தி திதியும் அதுவுமாக! திருப்பதியில் தர்ம தரிசனத்திற்கு எத்தனை மணி நேரமானது தெரியுமா?

"சதுர்த்தி திதியும் அதுவுமாக! திருப்பதியில் தர்ம தரிசனத்திற்கு எத்தனை மணி நேரமானது தெரியுமா? "

குளிகை நேரம் என்பது அதிர்ஷ்டமான நேரமாக பார்க்கப்படுகிறது என்பது அனைவரும் அறிந்ததே! சனிபகவானின் மைந்தனாகிய குளிகன் இந்நேரத்திற்கு ஆதிக்கம் செலுத்துபவனாக இருக்கிறான். அதனால் தான் குளிகை என்ற பெயர் வந்தது.

இந்த நேரத்தில் நீங்கள் எதை செய்தாலும் அது திரும்பத் திரும்ப பன்மடங்காக வளரும் என்பது ஐதீகமாக உள்ளது. எந்த ஒரு செயல் திரும்பத் திரும்ப நடைபெற வேண்டும் என்று நீங்கள் நினைக்கிறீர்களோ! அந்த செயலை குளிகை நேரத்தில் நீங்கள் துவங்கினால் நினைத்தது வெற்றியடையும் என்பதில் எந்த சந்தேகமும் இல்லை.

எந்த செயல் திரும்ப திரும்ப நடைபெறக் கூடாது என்று இருக்கிறதோ! அந்த செயலை குளிகை நேரத்தில் கட்டாயம் செய்யவே கூடாது. இதனால் தான் திருமணங்கள் குளிகை நேரத்தில் செய்யப்படுவதில்லை. குளிகையில் திருமணம் செய்தால் அந்த மணவாழ்க்கை அவ்வளவு சிறப்பானதாக இருக்காது. விவாகரத்து நேரும்.

மீண்டும் திருமணம் செய்யும் நிலை வரலாம். இதனால் அந்த நேரத்தில் திருமணம் தவிர்க்கப்படுகின்றன. இந்த நேரத்தில் தங்க நகையை அடமானம் வைப்பது, கடன் வாங்குவது, இறந்தவர்களின் உடலை எடுப்பது போன்ற காரியங்களை செய்யக்கூடாது. அப்படி செய்தால் அந்த விஷயங்கள் அனைத்தும் திரும்ப திரும்ப நடைபெறும் என்று நம்பப்படுகிறது.

இப்போது உங்களுக்கே தெரிந்திருக்கும் எந்த மாதிரியான விஷயங்களை குளிகையில் தவிர்க்கலாம் என்று அல்லவா? எனில் குளிகையில் என்ன செய்தால் அதிர்ஷ்டம் உண்டாகும் என்று இப்பதிவில் பார்ப்போமா?

ராகு காலம், எமகண்டம் போன்ற நேரங்களில் எப்படி நல்ல விஷயங்களை தவிர்க்கிறோமோ! அதேபோல் குளிகை நேரத்தில் நல்ல காரியங்கள் செய்யப்படமாட்டாது.

இந்த நேரத்தில் தங்க நகை வாங்கலாம். இந்த நேரத்தில் வாங்கப்படும் தங்க நகையானது பன்மடங்காக உங்கள் வீட்டில் பெருகும் என்பது ஐதீகம். குளிகை நேரத்தில் கடன் வாங்கினால் தானே பிரச்சனை? திரும்ப கொடுக்கலாம் அல்லவா? அவ்வாறு கொடுத்தால் உங்களுக்கு பணவரவு அதிகம் உண்டாகி கடனை திரும்ப கொடுத்து அந்த கடன் முழுவதும் அடைபடும்படி செய்து விடும். இப்போது கூறுங்கள் குளிகை அதிர்ஷ்டமான நேரம் தானே?

இந்த அதிர்ஷ்ட நேரத்தில் நீங்கள் இந்த விஷயத்தை செய்தால் பணம் கொழிக்கும் என்று நம்பப்பட்டு வருகிறது. சிலர் உண்மை என்றும் கூறக் கேட்டிருப்போம். நாமும் முயன்று பலன் அடையலாமே! என்ன செய்யலாம் என்று இப்போது பார்த்து விடுவோம். பணத்தை ஈர்க்கும் சக்தி சிகப்பு நிறத்திற்கு உண்டு. நீங்கள் குளிகையில் ஒரு கண்ணாடி பௌலில் சிகப்பு பட்டு துணியை விரித்து வைத்துக் கொள்ளுங்கள்.

உங்களது படுக்கை அறையில் அல்லது யாரும் அடிக்கடி வராத இடங்களில் இதை வைத்துவிட்டு அதில் உங்களால் எவ்வளவு முடியுமோ அவ்வளவு பணத்தை தினமும் சேமித்து வரலாம். குடும்பத்தில் இருக்கும் நபர்களோ அல்லது நீங்களோ அல்லது உங்கள் குழந்தைகளோ, யாராக இருந்தாலும் சரி அந்த சிகப்பு பட்டு துணியின் மீது குளிகை நேரத்தில் தினமும் ரூபாய் நோட்டுகளை சேமித்து வருவதன் மூலம் மிகப்பெரிய அதிர்ஷ்டத்தை பெற முடியும்.

நாள், நட்சத்திரம், நேரம் பார்ப்பது எல்லாம் சாதாரண விஷயம் இல்லை. ஒவ்வொரு நேரத்திற்கும் ஒவ்வொரு அதிர்ஷ்டம் தரும் யோகமுண்டு இதை நம்புபவர்கள் பலர் இருந்தாலும், ஒரு சிலர் நம்புவது இல்லை. நம்பாதவர்களுக்கு என்ன சொன்னாலும் புரிய போவதுமில்லை.

நேரம் என்பது மனிதனின் வாழ்க்கையை மாற்றக்கூடிய சக்தி படைத்தது. இவ்வாறு நீங்கள் குளிகை நேரத்தில் சேமித்து கொண்டே வரும் பணத்தை தினசரி உபயோகத்திற்கு பயன்படுத்தக்கூடாது. நீங்கள் சேமித்த இந்த பணத்தை கொண்டு நல்ல விஷயங்கள் செய்யலாம். உங்கள் வாழ்வில் ஏற்பட இருக்கும் மிகப்பெரிய காரியத்திற்காக கூட பயன்படுத்திக் கொள்ளலாம். வீடு கட்டப் போகிறீர்கள் என்றால் அதில் இந்த தொகையை சேர்த்துக் கொள்ளலாம்.

தொழில் துவங்கப் போகிறீர்களா? வியாபாரம் செய்யப் போகிறீரகளா? வண்டி, வாகனம் வாங்க போகிறீர்களா? நிலம் வாங்கப் போகிறீர்களா? இது போன்ற மிகப்பெரிய விஷயத்திற்கு இந்த பணத்தை பயன்படுத்திக் கொள்ளலாம். இதனால் நீங்கள் செய்ய இருக்கும் காரியங்கள் தடையின்றி சிறப்புடன் நடைபெறும். குளிகையில் சேமிக்கப்படும் பணம் ஆனது பன்மடங்காகப் பெருகும் ஆற்றலுடையது. பிறகென்ன உங்களுக்கு அதிர்ஷ்ட மழை தான் பெய்யப் போகிறது என்று எடுத்துக் கொள்ளுங்கள். இவ்வாறு அவர் தெரிவத்துள்ளார்.

அவயோகம்....

ஜாதகத்தில் சந்திரன் தனித்து நின்றால் அது அவயோகம்! அதாவது சந்திரன் இருக்கும் கட்டத்தின் இருபக்கக் கட்டங்களிலும் கிரகம் எதுவும் இல்லாமல் இருந்து, சந்திரனும் தன்னுடைய கட்டத்தில் தனியாக இருந்தால் அது அவயோகம். அதற்குப் பெயர் தரித்திர யோகம். வயதான காலத்தில் ஜாதகனை அது தனிமைப் படுத்திவிடும்! ஆதரவு அற்ற நிலையில் நிறுத்திவிடும்! உடனே உங்கள் ஜாதகத்தை எடுத்துப் பார்த்து சந்திரன் அப்படி இருந்தால் பயந்து விடாதீர்கள். அதற்கு விதிவிலக்கு உண்டு! சந்திரன் குருவின் பார்வை பெற்றிருந்தாலோ அல்லது சந்திரன் தன்னுடைய சுயவர்க்கத்தில் 5 அல்லது அதற்கு மேல் பரல்கள் பெற்றிருந்தாலோ அந்த நிலைமை ஜாதகனுக்கு ஏற்படாது அல்லது வராது!

SubmitSubmitSubmitSubmitSubmitSubmitSubmitSubmitSubmit

Wednesday, 4 December 2024

எப்ப பார்த்தாலும் உங்க குழந்தைகிட்ட கத்திக்கிட்டே இருக்கீங்களா? அதுனால என்ன நடக்கும் தெரியுமா?

எப்ப பார்த்தாலும் உங்க குழந்தைகிட்ட கத்திக்கிட்டே இருக்கீங்களா? அதுனால என்ன நடக்கும் தெரியுமா?

நியூயார்க் டைம்ஸ் அறிக்கையின்படி, தி ஜர்னல் ஆஃப் சைல்ட் டெவலப்மென்ட்டில் மேற்கொள்ளப்பட்ட ஆய்வில், குழந்தைகளுக்கு உடல் ரீதியான தண்டனையை தருவது போன்றவை மோசமான விளைவுகளுக்கு வழிவகுக்கிறது. ஒவ்வொரு பெற்றோருக்கும் தங்கள் குழந்தைகள் நல்ல ஒழுக்கமான குழந்தைகளாக இருக்க வேண்டும் வளர வேண்டும் என்று ஆசை. அவ்வாறு வளர்ப்பது என்பது பெற்றோர்களுக்கு சவாலான கடமை பணி.

குழந்தைகளை நெறிப்படுத்துதல், அவர்களை சிறந்த மனிதர்களாக உருவாக்குதல் மற்றும் பல ஆண்டுகளாக அவர்களை வழிநடத்துதல் ஆகியவை மிகப்பெரிய வேலையாக இருக்கும். நீங்கள் உங்கள் பிள்ளையை நினைத்து பெருமிதம் கொள்ளும் ஒரு காலம் வரும். ஆனால் நீங்கள் மிகவும் பாதிக்கப்படக்கூடியதாக உணரும் நேரங்களும் இருக்கும். மேலும் உங்கள் குழந்தைகளுடன் நீங்கள் மிகவும் வருத்தப்படும் நிலைமையும் வரலாம். அப்போதுதான் பெற்றோர்கள் குழந்தைகளை 'கத்துவது' தவிர்க்க முடியாததாகிறது. கத்துவது என்பது ஒழுக்கத்தின் ஒரு பாரம்பரிய வழிமுறையாகும். இது பயனுள்ளதாக இருக்கும் என்று கருதப்படுகிறது. ஆனால், இது உண்மையில் வேலை செய்யாது. நீங்கள் ஒரு குறுகிய கால மாற்றத்தைத் தேடுகிறீர்களானால், அது அப்போதைக்கு மட்டுமான தீர்வாக இருக்கலாம். ஆனால் நீண்ட காலத்திற்கு அது சரியாக இருக்காது. குழந்தைகளைக் கத்துவதால் எந்தப் பயனும் இல்லை என்பதற்கான சில காரணங்களும் நீங்கள் எவ்வாறு நடந்துகொள்ள வேண்டும் என்றும் இக்கட்டுரையில் தெரிந்துகொள்ளுங்கள். பயம் காரணமாக இருக்கலாம் கத்தி திட்டுவது வேலை செய்யும் என்று நீங்கள் நினைத்தால், மீண்டும் சிந்தியுங்கள். உங்கள் பெற்றோர் உங்களைக் கத்தி திட்டியது நினைவிருக்கிறதா? நிச்சயமாக, நீங்கள் சிறிது நேரம் உங்கள் வழிகளை மாற்றிக்கொண்டீருப்பீர்கள். ஆனால் அது உங்களுக்குள் ஏற்பட்ட பயமா அல்லது உண்மையான மாற்றமா? என்று யோசித்து இருக்கிறீர்களா? ஆம், பெரும்பாலும் அது பயத்தின் காரணமாகத்தான் இருக்கும். பயம் அந்த நேரத்திற்கு மட்டுமே இருக்கும்.

எந்தெந்த விஷயத்தை பண்ணவே கூடாது தெரியுமா?

குழந்தையின் நடத்தையை சரிசெய்யாது நீங்கள் குழந்தைகளைக் கத்தி திட்டினால், அது மிகக் குறுகிய கால விளைவை மட்டுமே ஏற்படுத்தும். அவர்கள் பார்ப்பது என்னவென்றால், 'நீங்கள் கோபமாக இருக்கிறீர்கள்' மற்றும் 'அவர்களின் அணுகுமுறைக்கு' எதிராக, அதற்கேற்ப, தற்போதைக்கு அவர்களின் நடத்தையை மாற்றிக் கொள்வார்கள். இது அவர்களுக்கு சரியான நடத்தையாக இருக்காது. பின்விளைவுகளை நீங்கள் பார்க்கத் தவறினால், அவர்கள் தங்கள் பழைய வழிகளுக்குச் செல்ல வாய்ப்புள்ளது மற்றும் அவர்களின் செயல்களில் மிகவும் தைரியமாக இருக்கலாம். நீங்கள் நீண்ட காலத்திற்கு அவர்களின் நடத்தையை மாற்ற விரும்பினால், அவர்களிடம் நேர்மறையான பழக்கத்தை வளர்க்க விரும்பினால், கத்துவதை விட்டுவிடுங்கள். "பயத்தையும் பதட்டத்தையும் தூண்டுகிறது நியூயார்க் டைம்ஸ் அறிக்கையின்படி, 2014 ஆம் ஆண்டு தி ஜர்னல் ஆஃப் சைல்ட் டெவலப்மென்ட்டில் மேற்கொள்ளப்பட்ட ஆய்வில், குழந்தைகளுக்கு உடல் ரீதியான தண்டனையை தருவது போன்றவை மோசமான விளைவுகளுக்கு வழிவகுக்கிறது. அதாவது பதட்டம், மன அழுத்தம் மற்றும் மனச்சோர்வு மற்றும் நடத்தை சிக்கல்களின் அதிகரிப்பு ஆகியவை அதிகரிக்கும். குழந்தைகளை கத்துவது என்றால்? சத்தமாக கூச்சலிடுவது. இது உங்களை அதிக அதிகாரம் மிக்கவராகவும், கட்டுப்பாட்டுடன் இருக்கவும் செய்ய வேண்டும் என்று காட்டுக்கிறது. நீங்கள் ஓரளவு அதிகாரத்தைப் பெறும்போது,உங்கள் குழந்தை மிகவும் செயலற்றதாகவும் கவலையுடனும் இருக்கும் அபாயத்தையும் நீங்கள் பெறுவீர்கள். "உங்க குழந்தையின் நிறத்தை ரோஜாப்பூ மாதிரி மாத்தணுமா? வீட்டிலேயே அரைக்கும் இந்த பொடியை போட்டு குளிப்பாட்டுங்க..." மோசமான தகவல் தொடர்புத் திறன் பெற்றோர்கள் கத்துவதை ஒரு தகவல்தொடர்பு வடிவமாகவும் நாம் பார்க்கலாம். ஆனால், நிச்சயமாக இது பெற்றோர்-குழந்தை உறவுக்கு நல்லதல்ல. ஒரு புள்ளியைக் காட்டுவதில் நீங்கள் வெற்றிகரமாக இருக்கலாம். ஆனால் கத்துவதன் மூலம், நீங்கள் ஒரு தவறான உதாரணத்தை மட்டுமே உங்கள் குழந்தைக்கு அமைக்கிறீர்கள். உங்களுக்குத் தெரிந்தபடி, தகவல்தொடர்பு என்பது இருவழி செயல்முறையாகும், அங்கு நீங்கள் ஒரு பேச்சாளரைப் போலவே நல்ல கேட்பவராகவும் இருக்க வேண்டும். உங்கள் பிள்ளையை கத்தி அடக்குவதை விட, உங்கள் பிள்ளைக்கு ஒரு கருத்தை தெரிவிக்கவும், அதை வெளிப்படுத்தவும் நீங்கள் அனுமதிக்க வேண்டும். குழந்தைகளிடமிருந்து உங்களைத் தூர விலக்கிவிடும் கத்துவது எவ்வளவு பயனுள்ளதாக இருக்கும் என்று நீங்கள் நினைக்கிறீர்களா? அது உங்கள் குழந்தையுடனான உங்கள் உறவுக்கு தீங்கு விளைவிக்கும். இது பயம், பதட்டம் மற்றும் நம்பகத்தன்மையற்ற உணர்வைத் தூண்டுவதால், நீங்கள் இந்த ஒழுங்குமுறை முறையைத் தொடரக்கூடாது. அப்படி தொடர்ந்தால், உங்கள் குழந்தை உங்களிடமிருந்து தங்களைத் தூர விலக்கிவைக்கலாம். கத்தாமல் எப்படி ஒழுங்குபடுத்துவது?

குழந்தைகளை எச்சரிப்பது பரவாயில்லை. ஆனால், அதற்காக கத்துவது தவறு. உங்கள் குழந்தை மிகவும் நல்ல நடத்தையுடனும் மற்றும் ஒழுங்காகவும் இருக்க வேண்டும் என நீங்கள் விரும்பினால், அவர்களை சரியான வழியில் அணுக வேண்டும். அவர்கள் ஏன் செயல்படுகிறார்கள் என்பதைப் புரிந்து கொள்ளுங்கள். சில வெளிப்புறப் பிரச்சினைகளால் அவர்கள் எதிர்மறையான அணுகுமுறையாக இருந்தால், அவர்களைக் கத்துவதையோ அல்லது தண்டிப்பதையோ விட அதைத் தீர்க்க அவர்களுக்கு உதவுங்கள்.

இறுதிக்குறிப்பு

பெற்றோர் மற்றும் குழந்தைகளுடான உறவில் ஆரோக்கியமான தொடர்பு அவசியம். இது எப்போதும் உதவியாக இருக்கும். அங்கு நீங்கள் உங்கள் பிள்ளையின் கருத்தைக் கேட்டு அவர்களின் பிரச்சினைகளுக்கு தீர்வை வழங்கலாம். மேலும், நீங்களும் கருத்துக்களை தெரிவிக்கலாம். விதிகள் மற்றும் எல்லைகளை ஆரம்பத்தில் அமைக்கலாம், இதனால் எது சரி எது தவறு என்பதை உங்கள் குழந்தைகள் அறிவார்கள்.