jaga flash news

Friday, 10 June 2016

உடம்பானது உயிர் எடுத்து வந்ததா? அல்லது உயிரானது உடம்பு எடுத்துக் கொண்டு வந்ததா?

உடம்பானது உயிர் எடுத்து வந்ததா?
அல்லது உயிரானது உடம்பு எடுத்துக் கொண்டு வந்ததா?
உடம்புதான் உயிர் எடுத்ததென்றால் உயிர் உயிர் வந்த பிறகுதானே உடம்பே தோன்றுகிறது. உடம்பில் உள்ள உயிருக்கு உருவம் ஏது சொல்லுங்கள். உடம்பும் உயிரும் கூடிய மனிதன் இறந்த பின்னும் அவன் உயிர் அழிவது இல்லையே. ஆகவே இவ்வுடம்பு உண்மையல்ல, என்பதை உணர்ந்து, உயிரை மெய் என்பதை அறிந்து உடம்பில் மெய்ப் பொருளாக உயிர் இருப்பதைக் கண்டு தன்னை மறந்த தியான நிலையிலே இருந்து உணர்ந்து கொண்டு ஞானம்.
மனமெனும் எல்லையைக் கடந்து ஏகமாக நின்று எல்லா இன்ப போகங்களையும் அடையச் செய்வது மாயையே.
இவ்வுடலானது மண், நீர், தீ, காற்று, ஆகாயம் என பஞ்சபூதங்களால் அடுக்கடுக்காக ஆராதாரங்களாய் அமைந்து உள்ளது. தாயின் கருவினிலே புகும் விந்து ஒன்பது வாசல் கொண்ட உடலுயிர் வளர்ந்து இப்பூமியில் வெளிவுறம். அப்படிவரும் கோடிக்கணக்கான உயிர் ஒவ்வொன்றிலும் உயிரே அதனுள் அமர்ந்துள்ளார் என அறியுங்கள்.
ஆகாயமாய் நமக்குள் இருக்கும் மனம் எங்கும் பரவி ஓடிக் கொண்டிருக்கின்றது.
அந்த மனத்தை குவித்து நம்மில் நினைவால் நிறுத்தி உயிரை நினைந்து தியானம் செய்ய மனத்தில் உள்ள அழுக்குகள் நீங்கி அது சுத்த நிர்மலமாய் ஆகும். பார்க்கும் இடமெலாம் நீக்கமற நிற்கும் உயிர் சோதியை தனக்குள்ளே கண்டு உயிர் கடவுள் எப்போதும் கருத்தில் வைத்து தியானியுங்கள் இறவாநிலை பெற காரணமாகும்.
இவ்வுடம்பை சுடுகாட்டில் வைத்து எரிக்கும் போது அது ஒன்றுக்கும் உதவாத ஒரு பிடி சாம்பலாகும். அது போல ஞானம் சிறிதும் இல்லா நெஞ்சம் உடையவர்களிடம் நல்லது ஒன்றும் இருக்காது. அறிவாக சுடர் விடும் உயிர் சோதியை அறிந்து அங்கேயே உன் உணர்வையும், மனதையும் நிலை நிறுத்தி தியானம் செய்து வந்தால் தேனில் ஒடுங்கியிருந்த ருசியானது நாவில் ஊறுவதுபோல் உயிர் கடவுள் அருளால் ஆனந்தம் கிடைக்கும்.
மாடமாளிகைகள் கட்டி, மாடு கன்று போன்ற சகல செல்வங்களையும் சம்பாதித்து தம் மனைவி மக்களோடு மகிழ்ச்சியாக வாழ்ந்து வரும் நாட்களில், திடீரென்று எமதூதர்கள் ஒரு நொடியில் உயிரைக் கொண்டு போன பின் அவ்வுடல் பிணமாக கிடப்பதைக் கண்டும் உயிர் போனதை உணர்ந்தும் உயிரை அறியாமல் இருக்கின்றீர்கள். அவ்வுடலில் உயிராய் நின்று ஆட்டுவித்த உண்மையை உணர்ந்து இரவா நிலைபெற்று இறைவனை சேர உயிர் தியானம் செய்யுங்கள்.

1 comment:

  1. ஞானம் என்ற வார்த்தைக்கு, ஒரு வேடிக்கையான கதை.

    முன்னொரு காலத்தில் ஒருவர் காட்டுப் பாதையில் நடந்து சென்று கொண்டு இருந்தார். அவர் கையில் செலவுக்காக கொஞ்சம் பணமும் வைத்திருந்தார். நடந்து நடந்து களைப்பாகிவிட்டார். இருட்டவும் ஆரம்பித்தது. ஆகவே காலாற கொஞ்சநேரம் உட்கார்ந்துவிட்டு, பின் விரைவாக நடந்து, அரைமணி நேரத்திற்குள், அருகிலுள்ள கிராமத்தை அடைந்துவிட வேண்டும் என எண்ணி,
    ஒரு மரத்தடியில் உட்கார்ந்து சற்று திரும்பிப் பார்த்தார். அது ஒரு கல்லறைத் தோட்டம். அதற்கு சற்று தூரத்தில் நான்கு முரடர்கள், தாங்கள் திருடியதை பங்கு போட்டுக் கொண்டிருந்தனர். அவர்கள் இந்த மனிதரைப் பார்த்துவிட்டனர். கையில் கத்தியுடன் நெருங்கி வந்தனர். இவரோ
    தப்பித்து ஓடவும் முடியாதவராக, ஆனால் பயப்படாதவராக தனது புத்தியைத் தீட்டினார்.

    அருகில் வந்த திருடனில் ஒருவன், யார் நீ? என்ன வைத்திருக்கிறாய் என்றான். மற்றொருவன் கத்தியை நீட்டி பயமுறுத்தினான். அவர் அவர்களை சற்று ஏற இறங்க பார்த்துவிட்டு, கூலாக சொன்னார், ஒன்றுமில்லை நேற்றுத்தான் என்னைப் புதைத்தார்கள்.
    உள்ளே ஒரு புழுக்கம் அதனால் தான் வெளியே வந்தேன். காற்று வாங்கிக் கொண்டிருக்கிறேன், சற்று நேரத்தில் உள்ளே போய்விடுவேன். உள்ளே பேச்சுத் துணைக்கும் ஆளில்லை, நீயும் என்னோடு வருகிறாயா என்றார். இதைக் கேட்ட மாத்திரத்தில், திருடர்கள் ஓட்டம் பிடித்தனர்.

    இது ஒரு வேடிக்கையான கதையாக இருந்தாலும், இதிலிருந்து நாம் ஞானமாய்ப் பேசவேண்டுமென்பதை அறியலாம்.

    நாம் வாழும் உலகம் மிக மோசமானது. ஏமாற்றும், வஞ்சனையும் நிறைந்தது.
    ஆகவே, இவ்வுலகில் ஞானமாய்ப் பேசவும், ஞானமாய் நடக்கவும் கற்றுக் கொள்ள வேண்டும்.

    எவ்விடத்திலும், எப்போதும் ஞானமாய் வாழ *ஈசன்* நமக்கு ஆலோசனை தருவார். அவரிடம் ஞானத்தைக் கேள்
    வெற்றியான வாழ்க்கை வாழ ஈசன் அருள் புரிவார்.

    ReplyDelete