வாஸ்து படி வீட்டிற்கு எத்தனை வாசல் வைப்பது நல்லது?

ஒரு வீட்டில் எந்த திசையில் வாசல் அமைய வேண்டும், எத்தனை வாசல் அமைக்க வேண்டும் என்பதை வாஸ்து முறைப்படி பார்ப்போம்...வாஸ்து என்பது வெறுமனே கட்டிட கலைக்கான ஜோதிட முறை என்பதைத் தாண்டி பல அறிவியல் உண்மைகள் அடங்கியுள்ளது.

அந்த வகையில் வீட்டிற்கு முக்கியமாக சரியான இடத்தில் வாசல் அமைப்பதும், அதன் எண்ணிக்கையும் மிக முக்கியமானதாக வாஸ்து முறைப்படி பார்க்கப்படுகிறது.

ஒரு வீட்டில் முன்புறம் ஒரு வாசல், பின்புறம் ஒரு வாசல் என மொத்தம் 2 வாசல்கள் வைப்பது வழக்கம். இப்படிப்பட்ட அமைப்பு ஒரு வாசல் வழியாக காற்று வந்து மற்றொரு வாசல் வழியாக செல்வதற்கு, காற்றோட்டம் சரியாக இருக்க வைக்கப்படுகிறது. அதன் காரணமாக வீட்டில் ஆரோக்கியம் சிறப்பாகவும், வளமையுடன் இருக்கும்ஒரு சிலர் வீட்டிற்கு 3 வாசல் அமைத்து கட்டுவது வழக்கம். அதில் எந்த திசையில் வாசல் அமைக்க வேண்டும் என்பது தான் முக்கியம். வாசல் அமைப்பைப் பொறுத்த வரையில் கிழக்கு, மேற்கு, வடக்கு திசையில் வாசல் அமைப்பது மிக நல்ல அமைப்பாகும். தெற்கு திசையில் வாசல் அமைக்காமல் இருப்பது சிறந்தது. அப்படி அமைத்தால் வாஸ்து முறைப்படி அமைக்கவும். அல்லது அதை அடைத்துவிடலாம்ஒரு வீட்டில் தென் கிழக்கு அல்லது தென் மேற்கு பகுதியில் வாசல் அமைக்கக் கூடாது. ஒரு சிலரின் வீட்டில் 100 சதவீதம் சரியான தெற்கு திசையில் வாசல் அமையும். அப்படி அமைந்தால் அந்த வீட்டிற்கு எந்த பாதிப்பும் அவ்வளவாக ஏற்படாது