நெருப்பு ராசிகள் என அழைக்கப்படும் மேஷம், சிம்மம், தனுசு ராசிகள் குறித்த முக்கிய குண நலன்கள்

ஜோதிடத்தில் பல விஷயங்கள் ஆராய்ந்து பலன்கள் கூறப்படுகின்றன. ஒவ்வொரு ராசியை ஆளக்கூடிய கிரகங்களை வைத்தும், அதனுள் இருக்கும் நட்சத்திரங்களைப் பொருத்தும் அதன் குணங்கள் குறிப்பிடப்படுகின்றன.

அந்த வகையில் ராசிகளை காற்று, நீர், ஆகாயம் மற்றும் நெருப்பு ராசிகள் என நான்கு வகைகளாகப் பிரிக்கப்படுகின்றன.ஒவ்வொன்றுக்கும் ஒரு தனித்துவமான ஆளுமைப்பண்பு, குண நலன்கள், நல்ல மற்றும் கெட்ட குணங்களைக் கொண்டுள்ளன. ஒவ்வொன்றிற்கும் கீழ் 3 ராசிகள் வருகின்றன.

அந்த வகையில் நெருப்பு ராசிகள் என அழைக்கப்படும் மேஷம், சிம்மம், தனுசு ராசிகள் குறித்த முக்கிய குண நலன்கள், தீய பண்புகள் குறித்து பார்ப்போம்.நெருப்பு ராசியினர் இதயத்தில் எந்த ஒரு விருப்பமும் இல்லாதவர்களாக இருப்பார்கள். சில சமயங்களில் மிகவும் வெளிப்படைத் தன்மையுடன் இருந்து சிக்கலில் சிக்கித் தவிப்பர்.இவர்கள் உண்மையான மற்றும் நேர்மையானவர்கள் என்று நம்பப்படுகிறார்கள்.

தங்களை தாஙக்ளே நம்பக்கூடியவர்களாக இருப்பார்கள். அதாவது தன்னம்பிக்கை மிகுதியாக கொண்டவர்கள். இவர்கள் எந்த ஒரு செயலையும் செய்து முடிக்க முடியும் என்ற அதீத நம்பிக்கையே இவர்களுக்கு சில நேரங்களில் பிரச்னையாக அமையக் கூடும்.

மற்றவர்களை விட ஆளுமையும், ஆதிக்கமும் நிறைந்தவர்களாக இருக்க வேண்டும் என்ற எண்ணமும் கொண்டவர்கள். இதனால் தங்களிடம் வேலைபார்க்கும் வேலையாட்களிடமும், சக ஊழியர்களிடமும் சற்று ஆதிக்க பண்புடன் இருப்பார்கள்.

இவர்களிடம் உள்ள நல்ல பழக்கம் என்ன வென்றால் எப்போதும் லட்சியத்தை நோக்கி வாழக்கூடியவர்கள். அதே போல ‘வாழு, வாழ விடு’ என்ற தத்துவத்தைப் பின்பற்றக்கூடியவர்கள்.

மற்றவர்கள் சிறப்பான ஒரு செயலை செய்தால் அதை பாராட்டும் குணம் கொண்டவர்களாகவும் இருப்பார்கள். இவர்கள் தவறான பழக்கங்கள், பொறாமையிலிருந்து விலகி இருப்பது நல்லது.