திருமணம் @ தாரை பலம்

திருமணம் @ தாரை பலம்
========================

திருமணம்:
இல்லறத்திற்கு நுழைவாயிலாக அமைவதனை 'மணம்' என்ற சொல்லால் குறிப்பிட்டதன் நோக்கம் மண்ணைப் (நிலத்தை) போல பொறுமை, அமைதி, எதையும் தாங்கும் வன்மை இவற்றை மணமக்கள் பெறுதல் வேண்டும் என்பதே அடிப்படை. சிறப்பான, மேன்மையான ஒன்றைக் குறிப்பிட 'திரு என்ற அடை கொடுத்து அழைப்பது தமிழர் மரபாகையால் இல்லற வாழ்வின் அடிப்படையாக அமையும் மணம் "திருமணம்" என்று அழைக்கப்படுகிறது.

தற்கால நடைமுறை

ஒருவன் திருமணத்திற்கு முன் எவ்வளவு பெயர், புகழோடு இருக்கிறான் என்பது முக்கியமல்ல அவன் திருமணத்திற்கு பின் அவன் வாழ்க்கை எப்படி இருக்கிறது என்பது தான் முக்கியம். ஒருவனின் மணவாழ்க்கை அவனது வாழ்க்கையை மீண்டும் முதலிருந்து துவங்குகிறது. அதாவது ஒருவன் திருமணம் ஆவதற்கு முன் எப்படி இருந்தாலும் அவன் திருமண வாழ்வில் தோல்வியை தழுவினால் அவன் வாழ்க்கையிலும் தோல்வி அடைந்தான் என்பதாகும்.

ஆக ஒரு மனிதனின் வெற்றியை அவன் திருமணம் முடிவு செய்யும். அதாவது அவன் யாரின் கரம் பிடித்தானோ அவளே அவனின் வாழ்க்கையை வெற்றியடைய செய்வாள்.

திருமண பொது விதியில் ஒன்றை பார்ப்போம்:

பொதுவாக திருமணம் என்று வரும் போது ஒரே ராசியில் பிறந்தவர்களை சேர்க்க மாட்டார்கள் ஆனால் காலம் எற்படுத்தும் மாயாத்தால் சில சமயம் காதலித்தவர்கள் ஒரே ராசியாய் அமைந்துவிடுவது உண்டு. அப்படி அமையும் போது இந்த பொது விதியை பரிசிலித்து பார்க்கலாம்.

ஒரே ராசியில் பிறந்த இருவருக்கு திருமணம் செய்யும் போது பெண்ணுக்கு பின் நட்சத்திரத்தில் உள்ள வரனைத் தான் தேர்வு செய்வர்.

உதாரணம் : ஆண் = துலாம் ராசி சுவாதி நட்சத்திரம், பெண் = துலாம் ராசி = விசாகம் நட்சத்திரம்.

ஏன் ?

சுவாதி நட்சத்திரத்திற்கு விசாகம் சம்பத்து தாரையாக வரும். ஆக ஒரு ஆண் தன் வாழ்க்கையில் வெற்றி அடைய வேண்டும் என்றால் தனக்கு சம்பத்துதாரையாக வரும் பெண்னை மணந்தால் வாழ்க்கையில் வெற்றி அடைவான் என்பது இதில் உள் இருக்கும் உண்மை.

நாம் அடுத்த் உள்ள நட்சத்திரத்தின் உருவத்தை தொடத்தொட நம் வாழ்க்கை வெற்றி அடைவது சாத்தியம் என்றால் இதுவும் சாத்தியமே.

இது ஒரு பொது விதியே. இதர விதிகளையும் பார்த்துக்கொள்ளுங்கள்.